Ezuko orovita! Mungendje
OTJOMUISE - Ezuko rEsembi ezuko rovita wina pu mbeungurirwa ovi¿a mbyaso oku ungurirwa po otja kOtjiherero tjazumba wina ape rongerisirwa povandu kovita.
Inga ongeri omahandjauriro wa womuatje omuzandu wonganda yo Tjimungunda, Kejamuina Mungendje, ko mambo ngaingana motjiwana ngu ma yetja ohapo omazuko wOtjiherero poo Otjimbanderu kapesere okuyatera poo okuyatisiwa ovandu mbe ha kwaterwe nawa poo ovatwa kutja ovazoozu poo ovaypa. Omambo inga yapendurwa iyo tji tjitwa tjo ma zikamisiro wewe rotjikoro ro ma utiro wo ma tungiro wonganda yOtjimungunda po Toasisa tja Mongua Oritjatano ndazuko. Otjiungura ihi aa tji hongorerwa po iyo tjiuru tjehi, Onongo Hage Geingoba. Mu Keetu Omandaha, Mungendje wa handjaurire kutja katjikando otjitenga onganda indji okuyenda ovayenda pezuko yayo nungwari otjina tji ma tjiyaruka ozombura nganduu ku kOmbara Otjitambi omuyaruke, Hosea Katjikururume Kutako, ngwaa ungurire po oviungura peke naimbyo vyonganda oini vyo vakatwa nawa muyo nawina vyarwe peke peke. Otjo tjisasanekero Mungendje watamunine omurumendu omuhonge omutjauana ombura yo zo mbura ngweyere monganda yao puna omuhonge Kanambunga aveungurwa pezuko rao. Tjingetjo, Mungendje matja, Katjikururume ombura yo zombura opezuko tjingero paya takanisire opresidenda ondenga ya Namibia, Sam Nujoma, emu pitisire pokati komarama we nemupe okati mayende ma ka rwire ongutukiro.
“Ombura indji o 1976 ovasorondate imba mbatoorwa iyo muhona Mutuurunge Kapuuo omuyaruke, imba mba hinda kovita ama kutjiukwa kutja oruveze indo tjandje mo ku rizivisa kovandu ma ve rizuvisa kutja ovanatje mbu ma ve katjayera okomunisa ndji ma ieyende no Swapo okutja ma tu tumu ovanatje imba, ovanatje imbo varangerwa pezuko indi,” Mungendje matja. Matja tji va ndinondi mbu ma vehungire opuvari ovi¿a imbi aa nai mbiri ovipe vetarere nomeho wawo oveni posia kapari nomwatje umwe wa purirwe ina poo ongundwe. Matja ovanatje vaziriire ko zo nganda peke peke nganduu ko zo Nÿakume.
Otjorupa ro vi rumatwa vyehi mbi ma vitungwa mouparanga wehi, ohoromende yatia okuutira ponganda yo Tjimungunda, otjoruveze oruna makuruhungi paa perarere Ku¿ako.