Omaudano Ovaafrica mepilili: Algeria a undulila vali omaudano komesho
OMAUDANO ovalotoki moAfrica okwa nyika epiyaano eshi epangelo laAlgeria la tokola oku a undulila komesho no inali yandja po efiku limwe lipe, molwa oshikumungi shoCovid-19 osho tashi imbi ovanhu va tengeneke omafiku. Eshi oshikando oshititatu omaudano aa taa undululwa komesho shaashi okwali e na oku kala ko mo2020, ashike okwali a undulilwa komesho nodula.
Ediladilo okwali ngeno omaudano aa a ningilwa moshilando shaAlgeria shedina Oran pokati kefiku lo-1 neti-5 Juni 2021, ashike okwa ka tiwa naa ka kale koAlgiers ngeno mo22 fiyo omo 25 Juni.
Olutu lomaudano aAfrica moAlgeria natango inali tya ko sha komalunduluko aa.
Eshi omaudano oOlympics kwa tokolwa nale aka kale ko muJuli, ekaleko lomaudano eli ole uya onga eyo moshipala kovadani Ovaafrica ovo vali va hala va longife efiyafano loko
Algeria onga oshilyatelelo op ova dule oku ka lotoka komaudano oOlympics.
Olutu lomaudano mounyuni ola tula po efiku laxuuninwa omo ovadani tava wanifa oitwa yoku ka lotoka koOlympics likale et-29 Juni 2021.
Ouministeli wovnysha nomaudano moAlgeria owa ti ekaleko eli ole yap o molwa eameno nekaleko po loukolele, oku keelela etandavelo leembuto odo da kolonda, Ouministeli tau ti otau ka shikula omalanduladano oo a tulwa po ekeelelo letandavelo lombuto.
“Ouministeli wetu owa dengela olutu lomaudano moAlgeria loAlgerian Athletics Federation (FAA) oku ninga omalongekido taa pumbiwa noku shivifila ehangano loConfederation of African Athletics opo li ete po noku itavela komafiku mape omo tamu ka kala omaudano aa ngeenge onghalo oya xwepopala.”
Omaudano aa omanyakwa aAfrica okwali a okwe li xula oku ningwa momudo 2010 moAsaba shNigeria.