I kan data e tao maya ku lo mos hi k and jo hoolol os hayes ha Mu nd aungi lo
Kan se law os hi kandj oh o lo lo shaMundaungilo Festus Ikanda okwa ti oshikandjohololo shaye otashi ka mona omayakulo ngaashi olusheno noundjuwo a va tava kapewa ovakulupe noilema.
Meenghundafana a ninga naKundana Ikanda okwa hokolola ta ti ombelewa yaye oya longa nelitulemo opo ikale ya yandja omanyenyeto oshiwana kovaleli vopombada ngaashi omhumbwe yolusheno noundjuwo vovanhu a va vena oulema, novakulupe pomukunda Okahauwangwena, mos hi kandj oh o lo los ha ye.
Ikanda okwa ti ouministeli woikwamina neenghono ouli welipyakidila nokutula olusheno ponhele Ohandjombali ili mos hi kandj oh o lo los h aye, nofikol aye din a Eexwa primary school nayo otai kapewa olusheno paife.
Okwa ti olusheno eli otali ka yandjwa kouministeli woikwamina neenghono.
“Ombelewa yange oya pewa oshimaliwa shandja mombelewa yopashitukulwa shoHangwena Regional Council opo shilongifwe okutunga oundjuwo momukunda Okahauwangwena a va tava kapewa ovakulupe noilema,” Ikanda ta ti.
Ikanda okwa ti oundjuwo ova tamekwa nale oku longwa mopaife ngaha, noveli pongushu yoshimaliwa N$59 969,82.
Kansela okwa ti ovanyasha vahapu otava kapewa oilonga pefimbo oundjuwo a va tava longwa. “Ombelewa yange otai lalakenene okuyandja omayakulo koshiwana nokukwashipaleka kutya oshiwana osha kwafelwa,” Ikanda ta ti.
Kansela okwa ti olusheno eli talitulwa ponhele Ohandjombali otali kakwafela oshiwana shopomudingonoko opo shaashi opena eenduda domangeshefelo edi die na olusheno.
“Ovanhu vahapu otava kamona olusheno meenduda dava domangeshefelo mopaife. Onghee eshi oshiima shiwa kovanangeshefa vopomukunda poundingosho opo,” Ikanda ta ti.
Ikanda okwa pandula epangelo eshi lina oshisho noshiwana shalo unene tuu pefimbo eli lindjuu leliko moshilongo tali ende lauka pedu.