Mboka muAfrica ya tonwa koCovid oye na ompito onene yokusa

AAVU mboka taya ehama unene komukithi gwoCovid-19 oye na ompito onene yokusa muAfrica shi vulithe miitopolwa yilwe muuyuni.

Omapekaapeko ga etwa koThe Lancet otaga ti shika oshi li ngeyi molwompumbwe yiikwa niipangitho miipangelo mbyoka ya simana okukwathela okuhupitha oomwenyo, osho wo ompumbwe yaaniilonga ya pyokoka nawa.

Oopelesenda 38 dhaamboka taya ehama unene ya taambelwa miipangelo moAfrica ohaya si, osho olopota ya ti ngaaka, okuyelekanitha noopelesenda dhuuyuni 31,5. Nomwaalu ogu li nokuli pombanda miipangelo yopevi mbyoka yaa na oondunda dhokukwathela.

“Omapekaapeko getu ogo gotango aga gandja ethano lya yela nolyomuule ngele tashi ya kwaashoka tashi holoka po kombinga yaantu mboka ye li monkalo ombwiinayi komukithi gwoCovid-19 muAfrica, nuuyelele wa za kiilongo yontumba niipangelo,” Omuprofesa Bruce Biccard a za koshipangelo shedhina G root eS chu ur Hospital no University of Cape Town ta ti ngaaka.

“Otashi yematitha, oshoka otashi ulike kutya oshidhigu okugandja omayakulu gopaunamiti ga gwana omolwompumbwe yoombete osho wo iikwa niipangitho inaayi gwana,” Omuprofesa Biccard, gum wegwo ma ak wat eliko me ho omapekaapeko ngaka osho a gwedha kom ngaaka.

Omaso ga aha po 120 000 oga lopotwa moAfrica, shika oopelesenda 4 dhuuyuni. Aakuluntu ye vule po 3 000 okuza miilongo yi li 10 ya Africa oya kutha ombinga momapekaapeko ngoka ga tala kiipangelo 64 miilongo 10 - Egypt, Ethiopia, Ghana, Kenya, Libya, Malawi, Mozambique, Niger, Nigeria naSouth Africa.

Omapekaapeko oga li ga mono kutya pokati kaMai naDesemba omumvo gwa yi, etata lyaakuthimbinga olya li lya si inaali tulwa komashina gomufudho nenge okupewa epango lyiitiyanathingo.

Caption: Aantu yane yomaantu 10 taya ehama unene ya kwatelwa miipangelo ohaya si muAfrica

About four in every 10 severely ill patients admitted to a hospital in Africa die