Okanona (12) ka fala yina koshipangelo nokambautu

Okanona okakadhona kosikola ka za ko koshitopolwa sha Busia muuninginino waKenya oka hingi okambautu noku taaguluka omulonga opo ka fale yina ngoka a li ta thetwaa koshipangelo.

Yina, Judith Anyango Akala okwa ti oshitheta osha lisha tamekelwo po tun di 03h00 mEtiyali nokwa pula okamwanakadhona ke mu fale koshipangelo shopopepi oshoka omusamane gwe okwa adhika a ka longa uusiku. Sho omukunda gwawo gwa dhingolokwa komeya metale lyaVictoria Lake konima yomvula onene ye ga poolele pohi, ofamili ohayi zi mokamba pamwe noofamili dhilwe ndhoka dha thiminikwa okuthiga po omagumbo gawo.

Okakadhona oka li ka hingi okawato uusiku taka longitha okatoshe kongodhi yayina opo ke ka pe okauyelele ya pule komeho. Akala okwa li a popi kutya oya pita miihwali noya kala nokukana manga inaaya thika koshipangelo shaRukala Model Health Centre. Olweendo olwa li lwa kutha konyala owili yimwe, osho a gwedha po ngaaka.

Omuniilonga guunamiti koshipangelo, Feli Pambula, okwa lombwele oBBC kutya omukiintu nokahanona ke a li a tegelela oya li ye na ompito yokusa ngeno okwa li a pulumuthile megumbo.

Okanona oka li kena ehila efupi ndyoka lya li lyi idhingila mothingo yako. Yina nokanona oya li moshiponga noya li ya pumbwa eyakulo lyuunamoti,” ta ti ngaaka. Omukiintu nokanona ke oya li ya langekwa mEtitatu ashike okwa ti kaye na iimaliwa yiikulya nootenda kokamba odha pupyala unene nokahanona hoka okashona.

“Otwa mona egumbo ashike otwa nyengwa okugongela oshimaliwa shohiila. Otatu pula kehe ekwatho tatu vulu okumona,” ta lombwele o-BBC ngaaka.