Aanamukunda moIndia ya ukitha omagalikano koshikalunga shi hulithe po Covid-19
Aanamukunda moIndia oya dhika oshikalunga shedhina Corona notaya galikana kusho netimaumbwile kutya ombepo ndjoka otayi ka hanagula po omukithi ngoka. Omwiitaali momukunda Shuklapur, muumbugantu waUttar Pradesh, oya kala nokugalikana, okugandja omeya omayapuki osho wo oongala koshikalunga shoka sholwaala olushunga shedhina Corona Mata, shika osha li sha tameke kuyele oshiwike sha za ko.
“Pamwe sho ta pewa omayameko gaanamukunda, omukunda gwetu pamwe nadhilwe pamwe otadhi ka pepelelwa,” osho omunamukunda gumwe ngoka a ti edhina lye oSangeeta a ti ngaaka mEtitano. India okwa li a dhengwa nayi keyo pombanda lyiipotha yomukithi gwoCovid-19 muApiilili naMai ashike open a omandhindhiliko kutya onkalo otayi hwepopala.
Epangelo olya lopota aantu 84 332 ya kwatwa mOlyomakaya, omwaalu ngoka ogo gu li pevi mesiku limwe mule woomwedhi mbali, uuyelele wa za kuuministeli wuuhaku osho wa ti ngaaka. Omukithi gwoCovid-19 ogwa dhipaga ye li 367 081 moshilongo shoka, uuyelele mboka wa kolekwa kepangelo.
Omagalikano gaanamukunda yomoShuklapur inaga yamukulwa agehe, onkene natango moshitopolwa mu na omukithi ngoka tagu lopotwa, ashike ogwa shuna lela pevi.