Buhari a lombwela aagundjuka ya ihumbate nawa ngele oya hala iilonga
Presidente Muhammadu Buhari okwa li a lombwele aagundjuka Aanigeria mEtine ta ti naya ihumbate nawa ngekle oya hala okuhila oompito dhiilonga nomangeshefelo. Buhari, ta popi koArise TV, okwa ti egameno olya simana opo moshilongo mu ye oompito dhomangeshefelo. MoNigeria omu na omwaalu gwoopelesenda 33 dhaa na iilonga.
Kape na ngoka ta ka ninga omangeshefelo momudhingoloko gwaa na egameno. Onkene onde ya lombwele, nda ti naya lombwele aagundjuka kutya ngle oya hala iilonga, naya ihumbate nawa,” Buhari ta ti. “Kwashilipalekeni kutya oshitopolwa oshi li megameno, opo aantu ye ye ya ninge omangeshefelo.”
Nigeria okwa kala nokulonga nuudhigu ngele tashi ya konkalo yokwaa na iilonga osho wo omwaalu gwaantu tagu koko tagu endelele mule woomvula omilongo dha za ko, ashike onkalo oya nayipala okuza sho omukithi gwocoronavirus gwa tukuka omvula ya za ko omanga oshilongo sha li shi li monkalo yeliko ombwiinayi ndjoka ya tamekele mo2016.
Buhari okwa kala wo nokupewa uusama molwiikolokosha tayi yi pombanda konyala kehe moshitopolwa oshilongo. Aalumentu ya homata oya kwata po ombambyona aanasikola ye vule 700 muumbugantuzilo okuza muDesemba, iiponokela tayi ningwa koongundu dhuukulo dheitaalo lyOshimuslema oya nayipala osho wo iiponokela moshilongo ashihe moka iitaasi yopolisi ya fikwa naanambelewa ya dhipagwa.
MuApiilili opaliamende oya li ya pula ombelewa yapresidente, omatanga ga homata osho wo opolisi ya kandule po onkalo ndjoka yiikolokosha yakehe esiku.