Canada: Oongeleka mbali dhaKatholika dha hanagulwa po komulilo
Opolisi moCanada otayi konaakona iiningwanima iyali yomulilo ngoka wa hanagula po omatungo gaali gongeleka yaKatoolika, momukunda guli moBritish Columbia.
Ongeleka yedhina Sacred Heart Church noSt Gregory odha pipo konyala pethimbo limwe moMaandaha pethimbo oshilongo shali tashi tyapula esiku lyaavalelwa mo moCananda.
Oongeleka mbali dhoka dha tungwa omimvo dhi vulithe po100 dha yi, pokati kadho ope na oshinano shookilometa 45, muuninginino woshitopolwa shoka.
Otaku fekelwa kutya okwa longithwa oshikunguluki shontumba, ngaashi omahooli, moku kwathela oku hwamaka omulilo ngoka.
Oongeleka mbali ndhoka dhili ko Penticton Indian Band noko Osoyoos Indian Band odhali konyala o200km muumbugantu gwaKamloops, hoka kwali ka adhika omidhimba daanoka 215 mboka yali momu handjo gwosikola muMay.
Aanona omayovi yaavalelwa mo oyali ya tunwa koosikola mwopomimvo ethelemumvo 19 no20 opo wu kuthwe mo mokati koshigwana koonkondo, nowa tulwa moosikola dhoCatholic Church.
Ompolifi moPenticton oya ti omupilisi umwe okwa mono omalaka gomulilo taga zi koSacred Heart Church lwopo tundi 01:00 yomutenya mOmaandaha, ashike okwa ka mona kutya etungo alihe olya ongotela sho a thiki popepi.
Lwopo 03:10 opolisi koOliver oya dhengelwa kutya oSt Gregory’s Church oyi li kohi yomulilo.
Omatungo agehe gaali gopandjokonona oga pipo thilu thiliu.
“Sho twa konaakona omatungo agehe otwa mono kutya opa longithwa oshikunguluki shontumba shoka sha tilwa she ga dhingonoka,” Bob Graham, omukuluntu gwoshikondo shoku dhima omililo moOliver, osho a lombwele Canadian Broadcasting Corporation.
“Omandhiliko gopetamameko otaga ulike kutya omililo adhihe odha tomekwa.
Momukanda gwopolisi yaRoyal Canadian Mounted, omupopiliko Sgt Jason Bayda okwa ti: “Ngele omakonaakono oga adha ethikilo kutya omulilo ngoka ogwa tomekwa shili, oRoyal Canadian Mounted otayi ka tameka oku konaakona omatompele agehe nomalalakano taga vulu oku eta opo aantu nengo omuntu a ye pondondo ndjoka yoku hwika po oongeleka ndhoka
“Oshinima shika otashi uvitha nayi, ashike kali shi natango ethimbo lyoku fekela kutya mbela osha ningilwa shika, ihe omakonaakono ogo taga ka kutha omasipa pokati koombwa.”