Zuma ina tuntilwa owenda yoCovid, ta ti itaka kala noshinakugwanithwa shaayambidhidhi ye mboka itaaya iyutha koompango
Omupresidente omukulu Jacob Zuma mOsoondaha okwa li a ekelehi omapulo kombinga yaayambidhidhi ye mboka ya li ya gongala pondje yegumbo lye moKwaZulu-Natal itaaya iyutha koompango dhoCovid-19. Zuma, ngoka inaa mona etuntilo lyoCovid-19, okwa li a lombwele iikundanekipegumbolyepoKwaDakwa moNkandla uusiku wOsoondaha nokwa ti ke na oshinakugwanithwa kutya aayambidhidhi ye otaya ihumbata ngiini ngele oye li kondje yoompango dhoCovid-19. Omupresidente omukulu okwa ti aantu oya geela etokolo lyompangu yoConstitutional Court ndjoka ya li ye mu pe egeelo lyoomwedhi 15 mondholongo, na ke na shoka ta vulu okuninga po.
“Kanda li noshinakugwanithwa shaashoka sha holoka,” Zuma ta ti ngaaka. Moshipopiwa she, Zuma okwa li a ti onkatu ontine yepato lyoshilongo oya fa pethimbo lyepangelo lyokatongotongo.
Zuma ta ti omilandu dhepato inadhi yooloka kwaadhoka dha li dha thiminikilwaaantumoomvuladho1980 nasha kepangelo lyokatongotongo kopalwaala. “Out na onkatu ontine yepato lyoshilongo moka mu na epangelo lyopaulumompumbwe osho wo omainda ga faathana naangoka gomoomvula dho1980,” Zuma ta ti ngaaka.
“Shoka sha yooloka osho shoka ashike kutya otatu longitha oonkatu dha yooloka, ngaashi okwaa iyutha komalombwelo gompangu pehala lyomaeidhililo giipundjamenye. Okuya mondholongo opwaa na epangulo okwa faathana nokumangwa po pwaa na epangulo.” Zuma okwa li a kwathelwa komupopiliko gwe Mzwanele Manyi sho a kala nokupulwaapulwa omapulo genashanokutaagulukaomangambeko gocoronavirus.
Manyi okwa ti: “Presidente itaka yamukula epulo ndyoka. Osha simana okuninga omapekaapeko omashona kombinga yoshinima shin a sha nokuzala okasiikilamulungu ngele ou na uunkundi wopaunamiti.
“Sho president inaa zala okamask otashi vulu okukala uunkundi wuunamiti, shoka shi li oshiholeekwa she na itashi ka etwa puuyelele.”
Zuma okwa li a popi kutya ina tuntilwa owenda yoCovid-9 nonando e li moomvula dhaamboka ya gwana okutuntilwa. Sha talika ko onga endhindhiliko lyotango okuteya oompango dhoCovid-19, omupresidente omukulu okwa li a piti pondje a zala iikutu yAazulu yopamuthigululwakalo mOlyomakaya a ka popithe aayambidhdidhi ye inaa zala okamask. – TimesLIVE