Veli 176 va mana eetundi doukwaita
Ovanhu 176 ova mana eetundi nomadeulo kokamba youkwaita kOsona kOkahandja mEtine. Ovanhu veli 197 ovali va ningilwa omakonaakono, omo veli 180 va tambulilwa momadeulo. Mokati kaavo vali va tambulwa, ovanhu 17 okwa monika kutya itava dulu oku twikila omolwa oukolele tau nyangwa.
Eshi omadeo a tameka, ovanhu vavali ovaka kufwa mo meetundi molwaashi navo va monika kutya kave na oukolele, omanga vakwao vavali va monika kutya ovali va kufa ombinga moilonga youlingilingi.
Mokati kaavo va mana omadeulo, ovanhu 42 ovakainhu novalumenhu oveli 134.
Omuponhele womukulunhu wofikola ei yopaukwaita, Colonel Thomas Showa okwa ti ovanafikola ava va pita ova kwatela mo ovanambelewa ovo va kala nale moNDF naavo opo va kutwa. Ava ove li ongudu onhihamano va pewa elongo tali ifanwa Quarter Master CommissioningCourse(QMCC) okudja nghee la tamekele.
“Omadeo aa a kwata moiti okwa ningwa nelalakano oku nghonopeka eshivo lovakwaita voNamibian Defence Force (NDF). Eshi otashi tu pe ovanambelewa vahapu ve na eshivo lopombada,”Showa ta ti.
Ta ti omidi doilalakanenwa yofikola yopaukwaita oda twama nawa movakwaita voNDF, neepologalama domapukululo nodomayambulepo opanhu paife okwa tulwa moilonga, eshi sha ningwa oku pitila meepologalama ngaashi naanaa oyo yo QMCC.
Showa ta ti omadeo nehongo olo la pewa ovakwaita ola yandjwa ngaashi naanaa kwali sha dilaadilwa, nelalakano lo oku kala nomatanga ovakwaita ovo ve shi eshi tava ningi nohava nyamukula komhumbwe yoshilongo ngaashi efimbo alishe sha pumbiwa.
Ominista yeameno noonakulwa vakulu, Frans Kapofi okwa pandula NDF eshi a nghonopeka ovakainhu ava novalumenhu ovo veli momidjalo dopaukwaita neshivo nounongo woku dula oku amena Namibia ngeenge sha pumbiwa.
“Elalakano loQMCC olo oku deulanokuetaelundulukomokati kovanambelewa vopombada naavo vopedu, ovo hava longo nale metanga leameno opo va kale eendjai doita kamana,” kapofi ta ti.
Ta weda po kutya oshafimana neenghono oku twikila noku deula ovaleli moNDF ovo tava eta omalunduluko ena oshilonga metanga leameno.
Ovakufimbinga vatatu ovo aveshe ovalumenhu ova li va pewa eembadi molwashi va longa nawa vedulife vakwao.