Oofaalama dhi li 59 dha fikwa komulilo gwepeya miiwike iyali
Omulilo gwepeya ogwa fike omahala gooheketa 143 000 nokufika oofaalama dhi li 59.
Omulilo ngoka ogwa li gwa fike iikando 27 miiwike iyali, nonando tagu tsikile tagu lopotwa tagu holoka miitopolwa yilwe yoshilongo.
Ndhoka odha po piwa komupopiliko nomugandji gwomauyelele muuministeli womindhingoloko, omakuti nomatalelepo Romeo Muyanda, mo mushangwa a pititha kombinga yomulilo tagu hanagula oofaalama noohambo moshilongo.
“Iimuna yi li 135 oshowo iiyamakuti yi li oya si momulilo oshilongo ashihe, omanga oondhalate nomalukalwa ga hanagulwa po,” ta ti ngaaka.
Muyunda ta ti, omulilo ngoka gwa li gwa holoka okuza petameko lyaNovemba sigo etameko lyaKotomba okwa li gwa halakanitha miitopolwa ngaashi Outjo, Otjiwarongo, Stenhausen, Windhoek, Okahandja, Tsumeb, Tsintsabis oshowo Zambezi.
Ta ti, omulilo ngoka gwa li gwa fike omasiku gane ga landulathana nogwa li gwa hanagula iinima oyindji moshitopolwa shaHardap momundhingoloko gwaStenhausen osho gwa ndhimwa, nonando okwa li pena ombunda tayi iteyi teka.
“Otatu fekele kutya omililo ndhoka ohadhi etwa unene kaantu mboka haya fike, ihe ihaya kondolola omililo ndhawo konima ya mana okuifiika. Sho shoka omulilo hagu taandele noku fika omaputa galwe,” ta fatulula ngaaka.
Muyunda okwa fatulula kutya ikwamalusheno ya li ya kwatwa komulilo nayo oya li ya gwendhele omulilo, shoka shali sha eta unene uupyakandhi woku ndhima omulilo mbala.
“Uuministeli owu li metifa okukondolola omililo ndhoka. Ota tu kumagidha oshigwana shi kale tashi kwata nawa omililo, oshowo kehe shoka tashi vulu oku eta omulilo,” ta kumagidha.
Ta ti, omulilo ohagu halakanithapo omaliko gaantu. Muyamba okwati, ethimbo ndika okuna ompepo onkene omulilo ohagu indjipala mendeelelo no hashi kala oshindhigu okugu kondolola.