Aakatyali ya yambidhidhwa nomakumbatha

Aakalimo yomoshikandjohogololo shaKatyali oya yambidhidhwa nomakumbatha ge li 200 okuza moshiketha “Kuku Kodholo” mewiliko lyakansela gwoshikandjohogololo shoka, Joseph Mupetami, sha ningwa mEtitatu.

Mupetami okwa ti omakwatho ngoka okwa li ye ga gandja kohi yoshipalanyolo ‘Oluhepo ihalu kondjithwa mokana’.

“Omakumbatha okwa li twe ga gandja komagumbo ga pita pe100, moka mwa li mwa talika unene kutya omwa pumbwa omayambidhidho omolwomashongo ga yooloka, “Mupetami ta ti ngaaka.

Ta gwedha po ta ti, omakumbatha agehekumweokwaligakohoongushu yoshimaliwa N$13 300. Mupetami okwa fatulula kutya oshiketha shoka okwa li sha totwa po okuyambindha aakalimo yomoKatyali uuna ya taalela omaupyakadhi oshowo okutsakaneka epangelo ondjilakati.

“Oyendji oya taalela omashongo, onkene oye li mompumbwe onene yoku yambindhindwa. Yamwe kayena iiyemo ya sha, omanga yamwe ya kanitha iilonga omolwa omukithi gwocorona,” ta fatulula ngaaka. Kansela okwa ti, mboka ya li ya kwathelwa oya li ya tothwa mo kooyene yo mikunda, sho ya li ndhindhilike omagumbo ngoka ga taalela omashongo.

Ta ti, omakwatho ngoka okwali ga pendula oyendji ye li mo mpumbwe. “Shika okwali sha holola kutya oshigwana oshindji otashi mono ihuna no sha pumbwa omayambindhindho,” ta po pi ngaaka. Ta gwendhpo ta ti, esiku ndyoka aanelago mboka kwali ya mono omakwatho okwali ya pandula noku holola ohole yena no muleli gwawo, omolwa uuwanawa a kala ta ningile oshigwana she.

Omuyambindhidhwa gumwe Eli Sakaria gwomomukunda Iingondji moshikandjohogololo moka, okwa lombwele oshifokundaneki shika kutya yo oya pandula.

“Otandi popi nda kwatelamo aakalimo ayehe ya li ya pewa omakumbatha oshoka ayehe okwali ya zi po taya imemeha yo taya pandula nokutanga ngoka a li eya ningile uuwanawa mbuka,” ta popi ngaaka. Sakaria okwati, oshimaliwa shoku kalanda ekumbatha ka kwali ye shina, ihe oya ningi aanelago sho ya yambindhindhwa nomakumbatha ngoka. “Omauwanwa ohatu ga uvu a taga ningilwa ooya kwetu ashike, nani shetu opo ngaa ta shiya.”