Epeya mEtosha lya geye
Omulilo onkene tagu tsikile okufika momundhingoloko gwEtosha, ihe uuministeli womindhingoloko, omakuti nomatalelepo ogwa ti, onkalo oyi li kohi yetonatelo noyeyi ndalapatela.
Ndhoka odha popiwa ko mupopiliko nomugandji gwomauyelele Romeo Muyanda, momushangwa a pititha kombinga yomulilo tagu hanagula oofaalama noohambo, okuza kOkaukuejo guuka mEtosha.
Ta ti, omulilo ngoka ogwa li gwa tameke okuza ongula yOmandaaha sigo omeni lyEtosha, ihe sigo ompaka inaku lopotwa iiyamakuti, iimuna oshowo omuntu a mono oshipoonga.
“Iimuna yi li 135 oshowo iiyamakuti yi li oya li ya lopotwa oshiwike sha ziko ya si momulilo oshilongo ashihe, omanga oondhalate nomalukalwa ga hanagulwa po,” ta ti ngaaka.
Muyunda ta ti, omulilo ngoka gwali gwa pimbile okuza petameko lyaNovomba sigo etameko lyaKotomba.
“Omulilo okwa li gwa halakanitha miitopolwa ngaashi Outjo, Otjiwarongo, Stenhausen, Windhoek, Okahandja, Tsumeb, Tsintsabis oshowo Zambezi, ta ti ngaaka.
Ta ti, omulilo ngoka gwa li gwa fike omasiku gane ga landulathana iiwike ya piti. Ogwa li gwa hanagula iinima oyindji moshitopolwashaHardapmomundhingoloko gwaStenhausen, ihe okwa li pena ombunda tayi teka.
“Otatu fekele kutya omililo ndhoka ohadhi etwa unene kaantu mboka haya fike, ihe ihaya kondolola omililo ndhawo konima ya mana okuifiika. Sho shoka omulilo hagu taandele noku fika omaputa galwe,” ta fatulula ngaaka
Ta ti, mboka taya hili omakaya naya tale wo mboka taya ekelehi, oshowo ya kale taya kwashilipaleke kutya ekaya olya ndhimathiluthilu, oshoka omwiindhi otagu kwata omulilo mbala, ogwa kukuta gwo oguli mumwe.
Muyunda okwa fatulula kutya ikwamalusheno ya li ya kwatwa komulilo nayo oya li ya gwendhele omulilo, shoka shali sha eta unene uupyakandhi woku ndhima omulilo mbala.
“Uuministeli owu li otau tsikile okukondolola omililo ndhoka. Ota tu kumagidha oshigwana shi kale tashi kwata nawa omililo, oshowo kehe shoka tashi vulu oku eta omulilo,” ta kumagidha.
Ta ti, omulilo ohagu halakanitha po omaliko gaantu. Muyamba okwati, ethimbo ndika okuna ompepo onkene omulilo ohagu indjipala mendeelelo no hashi kala oshindhigu okugu kondolola.
–