Omaumbo 15 a pya po moEtayi

Kansela woshikandjohoololo shaEtayi Hans Hakali ota ti moshikandjohoololo shaye omwa lopotwa omaumbo 15 apya po komundilo meemwedi natu da pita.

Okwa ti omaumbo amwe okwa hanauka po filu filu nomwa pya eenduda noikulya ya pila meenduda.

Haikali okwa ti ombelewa yaye oya ninga omapekapeko kombinga yoietifi yomundilo wa kala tau dana onghandangala moshikandjohoololo shaye omo a mona kutya ovakulunhu vahapu ove hole okufiya ounona vashona ngeenge tava i keendingosho.

“Ngeenge ounona va shona va fiwa momaumbo, manga ovakulunhu vaye keendingoshi eshi ohashi eta opo ounona va kendambale okutema omafiya opo vateleke oikulya yavo shaashi ohava kala ve u dite ondjala. Onghee naashi ohashi eta oshiponga shomundilo u xwike po eumbo,” Haikali ta ti.

Haikali okwa ti okwa lopotwa okaana ka shona ka kanifila omwenyo wa ko moshiponga shomundilo konima eshi kapila monduda omu kwa li keli.

“Ombelewa oya kala nokuyambida aveshe va ninga oihakanwa yomundilo, omo nda kala handi yandje oikulya noikutu kovakalimo aveshe va pilwa omalukalwa avo,” Haikali ta ti.

Okwa ti denga omufindo ta ti ovanhu veli momhumbwe yoikutu na va kale tava talele po ombelewa yaye opo va kale va pewa oidjalomwa ili kombelewa yaye.

Okwa kunghulila ovadali opo va xulife po onghalo yokufiya ounona va shona momaumbo manga tava i keendingosho vakanwe omalodu, opo kukelelwe oiponga yomaumbo ta pi po.

“Ohandi indile ku keshe ou e na ehalo lokuyambidida ovannhu va ka nifa omaliko avo koshiponga shomundilo opo va kwatafane nombelewa yange yopashitukulwa,” Haikali.