Mafano gomape tavagaruganesa morugendo
Ministera gweyi yomonda zosirongo, novanayirongo, epopero nekeverero Albert Kawana katente asi mafano gosirongo gomape vanakurugana ngesi mepangero kuvhura kukagaruganesa asi simwe sonodokumente edi nomvhura kugendesa muntu nsene topwaga mosirongo oze povamaparambo makura kuvhura nye yikare ureru mokutaguruka. Kawana katente eyi mombongarero zanavenye sivike kasipwireko omu kalimbwilire epuro kapulire muhameni mombongarero zanavenye gwaPDM, Nico Smit.
Smit kahere kudiva asi morwa sinke epangero lyawizirapo negano lyokutulisapo mafano gomutwe gomape vahana kudivisako vantu navenye, ntani asi yingapi nayikapura mokuninka asi muNamibia akagwane efano olyo. Eyi kuna kwama kutunda tupu apa epangero lyazuvhisa asi kabinete zapulisira kugava mafano aga gana kumoneka nawa nawa ngwendi efano lyosirongo ndi asi sikupuro somuntu. Vantu ava navavhura kugagwana pomuhowo kuna kara president gokuhova Sam Nujoma, mukwami gwendi Hifikepunye Pohamba, president ogu ana karamu ngesi Hage Geingob, presidentegona
Nangolo Mbumba, prime ministera Saara Kuugongelwa –Amadhila, prime ministeragona Netumbo Nandi-Ndaitwah ntani mukurona govanaveta Peter Shivhute. Eyi yina kara navagusapo kuna kara enyatero nonyara doge ntani elikido eli navaturapo ngesi kuna kara yokulimburura pangenderera ntani yokuvhura nye kuresa nonomahina , ntani kuturapo efano lyanyamoge lyantani eyi yina kara asi veta zantani vana pulisire zikarepo vapulisira pauzuni wombunga zaInternational Civil Aviation Organisation.
Apa nye ngesi Namibia gahepa kurugana nage moomu gawapera kugaruganesa mokuza moyirongo peke unene yomaparambo unene ava twalikundama nawo. Eyi kuna kara melizuvho nye nosirongo oso muna kara naso maparambo nye yirongo yoyinzi nare yina tameke kuruganesa mafano aga. Koruha rwetu, ngesi ntaantni yize moyirugana. Mokugwedako, ogo mafano ogo gavali gamoneke ngwendi nyove ntani kulimona nyamoge asi hawe nyame. Ngayininkisa usimbu wagwane asi ove kuna kara nefano lyokulikisaukira, ame kuna kuyimona asi mavango ngwendi nombanga nomavango gamwe navatambura egano eli lyefano lyepe, morwa nayitwaredera unene vagusepo mukaro ogu gowidi, yimo ana kutanta Kawana.
Age katente asi epangero kapi naliruganesa silinga zongandi mokufukisa mafano aga, ntani kapi ngavapura muntu asi pokuyahara efano eli wahepa kufuta. - Nampa