Ovo va tembukile kOnawa otava tungilwa oundjuoKamari
Elelo lodoolopa yaShakati ota li ka tungila ovakalimo vokolukanda Onawa oudjuo vahamano opo va dule okulongifwa koshiwana sha dja kolukanda Kalaula.
Elalakano lokutunga oundjuo okuyambidida ovakalimo ovo opo veu ya polukanda Onawa vaha kale va talela eshongo loundjuu.
Omaumbo eebashu 56 no omakuma omuwoi ovakalimo ova tembulwa kumuni Etivali okudja kolukanda Kalaula va ya kOnawa.
Omupopiliko welelo laShakati Katarina Kamari okwa ti muni waShakati okwa ninga tete omutumba novakalimo opo va kundafana nghee taka yandje omayakulo koshiwana eshi tashi ka kala kOnawa.
Ongheemuniotakakwashipaleka kutya ovakalimo tava tembukile kOnawa ova mona omayakulo ngaashi omeva, nolusheno nosho tuu. Okwa ti omudo 2021 okwa li natango kwaa tembulwa ovakalimo vopolukanda Sky omanga omudo 2019 ovakalimo vopolukanda Eemwandi navo ova tembulwa okuya kOnawa.
“Otwa yandje oilonga yopokafimbo kovakalimo 64 va dja momalukanda ngaashi Kalaula, Oshimbangu-Solar Plant nOshoopala okukala tava tutu oinima yovanhu noku kwafela okudengela eebashu dovanhu,” Kamari ta ti.
Okwa ti elalakano lokuyandja oilonga opo ovakalimo va dule oku li monena oshimaliwa shavo shokufuta omayakulo a muni.
Kamali ta ti ovakalimo va tembuka otava ka mona eenhele davo dedu tadi kalele opo tava ka tunge po omaumbo avo.
“Ovakalimo va tembuka otava ka futa N$500 opo va dule okukala okupewa eepomba domeva,” Kamari ta ti.
Okwa weda po ta ti muni ota kwashipaleke kutya ovakalimo ova pewa oyeendifo ya wana okutwala oinima yavo kOnawa.
“Muni ota ka tula po eepate kOnawa. Muni okwa andjaneka ko nale eengodi dolusheno opo ku kwashipalekwe kutya ovakalimo itava kala momilaulu,” Kamari ta ti.
Okwa weda po ta ti momafiku 31 Mei neudo ovakalimo vokolukanda Oshoopala navo ova ka tembulwa okuya kOnawa.