Kira zomoOkahandja zazonauka kutunda mwa Murongagona
Kira zepangero zomodoropa zaOkahandja kuna kara ngeso makwedi gane zahana kurugana, mukaro nye ogu guna twaredere vanekoro varuganese kira ezi zakara asi zopaumwene, ezi vana kutanta asi kuvapura yimaliwa yoyinzi unene.
Mokukumbururako komasivano aga govatungimo morwa kuna kufuta yimaliwa yoyinzi, nguuru gomukunda Otjiwarongo James Uerikua katente asi siruwo esi soCovid mavango ogo gopaumwene kapi gana kupura yimaliwa ntudi nsene asi vanekoro kuna hara asi tavakaruganesa evango lyoolyo pokutwara simpu komayendo. Uerikua katente asi age kapi ana divako Yuma asi kira ozo kapi zina kurugana morwa kwato ogu gayimutantera.
Poopo nye ana kupura ntani ana kuzuvha asi kansela gomukunda nare gagwanekere noministeli zoyirugana ntanivagendesiwomukundawoukanguki vagwana mbudi ezi.
‘’ Mberewa zange nazigusa udigu ou pangenderera omu vanahamenemo navenye vahepa kugenderera tuwapukurure mukaro ogo, nkenye gumwe ana hamenemo gahepa kutara asi yirugana eyi yahepa kuwapa ntani ntani yahepa kuwapa nkenye ezuva yivatere vantu vetu.
Mokukwama mwendi age Uerikua kuna kutanta asi kira ezi kapi zina kurugana morwa udigu woumakeninga ntani kuna kara asi zina kurupa makura asi ruha rumwe kapi runa kurugana eyi yina twaredere dogoro nazinye sipire kurugana.
Age simpe katente asi mukunda horowero ogu kuna kurugana asi nokira nadinye dahepa kurugana ntani, nsene kuvhura twahepa kudikako dimwe donompe monomukunda ngwendi Grootfontein na Okakarara.
‘’ Ame simpe kuna kuhundira asi nokira edi dahepa kuwapa ntani, ntani dahepa kuvatera vantu vana dihepa. Ntani owo vana kara nye nonokira davene vahepa nawo kuvatera epangero, yipo nye asi morwa mukaro gwangoso, kuna kuhundira venya nokira odo vavatere epangero moomu ava yirugana gana, yimo ana kutanta Uerikua.
Age simpe kazire komeho nokutanta asi evango lyokutendeka lyokuvhura kuturamo vantu 40 nare valihunditra mvhura zina puko, morwa kambumburu aka ko Delta Variant so Covid -19 esi sagumine unene mukunda gwina.
Mokupuragera mukurona gendesi pamberewa zoukanguki Ben Nangombe katanterere sayitunga za New Era asi ministeli kazigwene mbudi zangesi sivike kasipwire, nye nangesi tuna kuhunga nare twagwana kampani ezi naziyarugana yirugana oyo, mokugusapo udigu wangesi pangenderera.