Aanawa taya indile egameno
■
AAKALIMO yamwe yomwaa mboka ya tembundhilwa kOnawa mOshakati Etiyali, inaya nyanyukilwa etembundho omolwa aafuthi haya longele aantu omiyonena kolukanda hoka.
Taya ti, aakalimo mboka ya li ya tembudhilwa kOnawa mo2019, oya kala nokunyenyeta, taya yugwa iinima yawo oshowo omagumbo gawo taga iteyelwa kaafuthi esiku kehe.
Maria Timoteus okwa ti, nonando etompelo lyoku tembundhilwa kOnawa oyeli uvite ko, ka ku na egameno.
“Aafuthi oyendji otaya lopotwa yeli kOnawa, sho aantu oyendji yali ya tembudhilwa ko okuza komalukanda ga yooloka. Oshowo Onawa natango oyi li po pepi nolukanda lwaAnkambya ndoka lwa dhidhilikwa kutya olwa edhilila oombundhi adhihe mOshakati,” ta nyenyeta ngaaka.
Ta indile ta ti, otashi kala oshi hwepo ngele taya tulilwa ko osasiona nenge ehala lyopolisi oshoka oya pumbwa egameno.
“Omalukandapaifeogayamumwe, onkene ota indile elelo lyondoolopa natango yi tale ko kombinga ye gameno oshoka oonkalamwenyo otadhi ka kala moshiponga,” ta popi ngaaka.
Timoteus okwa ti, mboka ya kala kOnawa okuza omimvo dha piti ya li ya tembundhwa komalukanda gi i li no giili mOshakati, oya kala nokunyenyeta kutya oye li muupyakandhi waafuthi.
“Aakalimo yomomikunda ndhili popepi oshowo omalukanda ngaashi Oneshila nOkandjengedhi oya kala taya nyenyeta ya taalela uupyakandhi watya ngaaka,” ta ti ngaaka
Martin Shafoyihuna gwomolukanda Oneshila okwa ti, omagumbo gawo oga kala taga tewa koombundhi nkene olukanda ndoka lwe ya po.
“Onda kala mo oomvula dha pita 25, ihe ka kwa li handi uvu aantu taya kondekelwa momagumbo, shapo ongele wa thigi oshinima shoye pondje, kape na aantu, oto adha shaya nale,” ta hokolola ngaaka.
Ta ti, oondunda dhomanwino otadhi teyagulwa omanga aantu ya kotha, ihe uupyakadhi awuhe mboka otau ziilile kolukanda Onawa.
Omupopilikogwelelolyondoolopa lyaShakati Katarina Kamari okwa ti, oye uvite ko omayenyeto goshigwana, ihe oya tembudhile aantu kombinga hoka omolwa omatompelo gongushu.
“Elalakano olyokuhumitha komeho nokuyambula po ondoolopa yetu, okugandja omahala kaakalimo yetu, yo ya kale momahala ga yela noge na omayakulo agehe ya pumbwa,” ta ti ngaaka.
Aantu yeli 800 otaya ka tembudhilwa kOnawa okuza komalukanda Oshoopala, Kalaula oshowo Oshimbangu.
Olukanda Kalaula olwa tameka nale okutembudhwa