Iiti yi vule 4 000 ya kwatwa ko sho ya tetwagulwa kaashi li paveta
Iiti yomokuti ya pita 4 000 oshowo omashina gokutetagula omiti okwa li ya kwatwa ko kaanambelewa yuuministeli womindhingoloko, omakuti nomatalelepo mokati kokuti koKavango gokuuninginino.
Sha ikolela komushangwa gwa pitithwa kuuministeli womindhingoloko, aantu ye li yaali mboka ya li pamwe nayakwawo yaali mboka ya li ya matuka po, oya mangwa.
“Otwa nkondopaleka egeelo lyakehe ngoka taka yonagula uushitwe wa gamenwa opo tu shonopaleke iiningwanima yoludhi nduka,” uuministeli wa shanga ngaaka.
Tawu ti, kehe shoka tashi ka kwatwa ko sha longithwa iilonga inaayi pitikwa, uuministeli otawu ka longa wa mana mo, kehe shoka tashi ka longithwa, itaye ke yi galulilwa.
“Otatu kumagidha kehe ngoka e na nenge taka kala e na edhiladhilo lyokuyonagula po uushitwe wa gamenwa opo a ekelehi edhilandhilo ndyoka, oshoka uuna twe ya kwata itapu ka kala nando eyego kombanda,” wa ti ngaaka.
Uuministeli otau indile moshigwana kehe ngoka e na uuyelele mpoka pe na aantu mboka yaali ya matuka po opo shi lopotele opolisi nenge oombelewa dhuuministeli womindhingoloko dhi li popepi.
Uuministeli womidhingoloko owa kala nokulonga wa itula mo okugamena omakuti okuyanda ga mbugalekwe oshowo okukaleka po uushitwe omolwesimano lyomiti monkalamweno.
Ta u ti, esimano lyomiti itali pu okuhokololwa.
Omitiohadhikeeleleekunguluko neshunduko lyevi, tadhi gandja uushosho niitungithi kevi li wape okugandja iipalutha ya gwana.
“Pethimbo lyomutenya, omiti
ohadhi gondjwa nokugamena aantu niinamwenyo koonte dhetango ndhoka tadhi vulu okweeta okaankela,” wa fatulula ngaaka.
Pethimbo ndika lyiikwauzigo
yi indjipala, omiti otadhi aludha, tadhi longithwa mokunduluka omiti notadhi gamene mokupepela momidhingoloko.
Uuministeli tawu pula kutya omolwaashike tu na okuteta
nokuhanagula po omiti niihwa twaa na oluthuwo pethimbo ndika edhigu lyoluteni nuulumbu ngele otwa tseya nawa kutya Namibia oshilongo shuupyu kamana nosha mbugala panshitwe.