Okakadhona ke na uunkundi womadhiladhilo ka kwatwa koonkondo
Opolisi moshitopolwa shaMusati oya manga po omulumentu gwomimvo 25 ngoka a li anuwa a kwata okakadhona komimvo 16 koonkondo.
Omukuluntu gwokukonakona iimbuluma moshitopolwa shaMusatiDeputyCommissioner Moses Simaho okwa ti oshiningwanima shoka osha holoka momukunda Oshika momundhingoloko Onesi.
Otaku hokololwa kutya omulumentu ngoka okwa li a kwata omukiintu ngoka anuwa e na uunkundi womandhilandhilo koonkondo.
Simaho okwa ti omukiintu ngoka okwa li a kwatwa koonkondo pokati kOlyomakaya nOsoondaha ya zi ko.
Opolisi inayi hokolola kutya omulumentu ngoka okwa li a kwata omukiitnu ngoka koonkondo sha ende ngiini nongele oya pambathana.
Shoka osha ningwa ashike omasiku omashona iipotha yomakwato koonkondo ya ningi esiku tayi lopotwa moshilongo ashihe, nuunene moshitopolwa shaMusati.
Moshiningwanima inaashi faathana Jonathan Panduleni Ndatameke gomimvo 28 okwa li a iyaha nondjembo momutse nokusa.
Simaho okwa ti, omulumentu ngoka okwa li a iyaha omanga e li miilonga onga omukeeleli gomaliko.
Otaku hokololwa kutya Ndatameke okwa iyaha nokusa ethimbo olyo tuu ndyoka mondoolopa yOutapi konima yoshipangelo oshinene moshitopolwa shaMusati.
Omulumentu ngoka anuwa okwa li ta longo pethimbo a iyaha, onga omukeeleli gomaliko pehala ndyoka.
Opolisi oya ti, okwa li a thigi a nyola shoka sha li she mu ikuthitha omwenyo.
Otaku hokololwa kutya okwa yambukile komukunda Olupale moshitopolwa shaHangwena.
Aakwanezimo yanakusa oya tseyithilwa nomakonakono gopolisi oge li metifa.
Okanona komimvo 12,
Kena Katjavaisua, oka li ka hulitha kuuwehame sho ka li ka pumwa omanga kwa li ya londo kekuma lyongandjo nayakwawo yatano.
Opolisi oya ti oshiningwanima oshoka okwa li sha holoka Olyomakaya moshitopolwa shaKhomas moSoweto.
Otaku hokololwa kutya aanona mboka oya li ya londa ayehe kekuma lyongandjo sho omulumentu gwomimvo 37 a li a a sindwa okukondolola ohauto nokwiipuma mekuma moka.
Aanona okwa li ya ehamekwa ayehe, nokwa li ya falwa koshipangelo mbala.
Omupya omunene Katjavaisua okwa li a hulitha sho a thiki moshipangelo.
Nakuhinga okwa mangwa po kopolisi.