Amupanda kahundilire vaporosi wositata asi vahepa kupandura wokurugana unene
Mukurona godoropa zaVenduka Job Amupanda kahundilire mukurona govaporosi Abraham Kanime negendeso lyendi asi vahepa kudimburura ntani kugavako Yuma kovaporosi ava avaruganaunenemokuvapandura morwa vatura eparu lyawo nalinye mokupopera siatata setu.
Amupanda kageve nonkango edi moune wapapita siruwo oso vaporosi wositata kavadene ezuva mokugwanesa 15 asi vaporosi wositatasilika esi kasikereko pomberewa zawo zonene mosihuyungwa sendi esi kamukwatereremo mukuronagona gositata, Clemencia Hanases.
Nokutanta asi sivaro sovantu sina kanduka mositata, yihorokwa yoyidona kuna kuhoroka ntani twahepa kukara novaporosi pomavangodona ogo ava hakanene yiweka yovantu, kuteza mambo ntani kuvaka mahauto.
Nye nampili ngoso vaporosi wositata vahetekerako mokugusapo mukaro ogu,m eyi yaninkisa asi mukaro dona ngesi guna sesupa eyi yina kumoneka asi hawe vaporosi kwalituramo unene.
‘’ Kugava mauhwi ntani kuvapako nomedaliye kuna kara mukaro gomuwa mokuvaninkisa varugane unene.
Yipo nye asi yina kara mulyo unene kuyigava kwavavaruganamo siruwo sosire ntani vava vana kurugana unene.
Vagara novakadi ava kwatura eparulyawounenemokutupopera ntani yiweka yetu nayo yiwo ava yipopere. Yimo ana kuyimona ngoso Amupanda.
Age kagwedereko asi vantu twahepa kudiva asi kugusapo ukorokotji nokukeverera nonzira kapisi sinka sovaporosi velike nye setu natuvenye.
Ame yipo nye nina kuhundira vantu natuvenye twahepa kulihameseramo natuvenye tukare vaporosi yipo asi mulyo unene kukara nonombunga edi dakarapo asi vamusinda natuvenye vaporosi yipo tuwapukurure mukaro gweparu lyetu.
Ose tuna kara nehuguvaro movaporosi vetu, makura asi ose ngatutwikira nayinye eyi yina pumbwa mokusikisamo sirugana sawo,yimo ana kutanta Amupanda.
Apa nye kahuyungire posilika sangoso, Kanime katente asi monomvhura nadinye edi ana kara moyirugana eyi youporosi womositata, age ana mono asi koveli vaporosi valituramo unene ntani vana kara noyidivi woumpitisili omu navakaruganene uporosi wositata.
Age katanterere vaporosi vendi asi vatungimo kuna kara nomapuliro peke, kuhamena vaporosi wositata, kuhamena ukanguki nepopero lyawo, nokuvahundira asi twahepa kurugana moomu twayilironga yipo tusikisemo eyi vana hara
vantu vetu. - Nampa