Omiti dhetuntilo lyoCovid-19 dhongushu yoomilliona N$26 tadhi ka ekelwahi
Uuministeli wuuhaku nonkalonawa owa holola euvonayi sho tau ka ekelahi omiti dhok tuntila dhi thike 318 000 dhongushu yoomilliona N$26 oshoka omasiku gokufelefala oga thika.
O mu ku luntumuu mini st eli wu uh a ku nonka lon aw a Ben Nangombe okwa ti, omiti odhindji okwa li dha zi kiilongo yokondje shoka tashi ulike ethano ewinayi sho taya uvu omiti tadhi ekelwahi dha ninga nayi oshoka Aanamibia oyendji inaya hala okutuntilwa.
‘’out na omiti ndhoka tadhi felefala muJuni nuumvo nadhimwe dhi na omasiku ga yooloka, ihe otatu ka longitha ashike ndhoka tadhi ka felefala konima yoomwedhi hamano okuza paife,” ta fatulula ngaaka.
Ta ti, omiti ndhoka dhi na ko ethimbo ele ongaashi Sinopharm ndjoka tayi ka felefala muSepetemba omumvo tagu ya.
“Uupyakadhi mboka woshigwana owa etwa kwaamboka taya taandeleke uuyelele wiifundja kombinga yomiti. Iigongi oya kala tayi ningwa oku uvitha ko nokulonga oshigwana kombinga yuuwanawa wetuntilo,” ta ti ngaaka. Nangombe ta ti, sigo oompaka aantu ye li 482 544 oyo ashike ya tuntilwa oshikando shotango omanga aantu ye li 412 543 ya tuntilwa iikando ayihe. “Ayehe mboka kwa li ya tuntilwa oye li poopelesenda 23% omanga aantu ye li ya 1 779 271 ya li ya tengenekwa ya kale ya tuntilwa,’’ ta fatulula ngaaka.
Ta gwedha po ta ti, epangelo olya kala tali longele kumw en a al eli yo pa mu thigululw aka lo, aasita oshowo aatoolinkundana ya taandelithe esimano lyokutuntilwa, okukeelela oompito dhokukwatwa komutkithi goCovid-19. “Ngele omwa tala nawa aantu mboka ye li kiifudhitho miipangelo, oomboka inaaya tuntilwa, shoka tashi ulike ethano lya yela kutya okukala inoo tuntilwa uupyakadhi, unene kwaamboka ye na aakwiita yolutu ya nkundipala,” ta ti ngaaka.
Ta kumagidha kutya oshigwana nashi itule mo mokutuntilwa, naamboka taya taandeleke omauyelele giifundja kombinga yomiti ndhoka naye shi hulithe po, otaya tula oshigwana muupyakadhi,” ta popi ngaaka. Namibia okwa pitike omiti ngaashi Sinopharm Astrazeneca, Pfizer oshowo J&J ashike.