Uganda a kwashilipaleke egameno sho oyendji taya kaleke oku ya kolilongo hoka molwa oEbola
Presidente gwaUganda Yoweri Museveni okwa kwashilipaleke aapashiyoni naatalelipo kutya omukithi gwEbola otagu ka kandulwa po. Ta popitha oshigwana mEtiyali, presidente okwa popi kutya oya ndhindhilike aapashiyoni oya li taya ninguluka okuya moshilongo, niigongi yopaigwana oya lundululwa mo moshilongo.
Ta ti omilukithi nguka ogu li ashike moshilongo, mu na ashike iitopolwa I hamano yomiitopolwa 146 moshilongo ashihe.
“Uganda okwa game wa naayenda okuza pondje otaya taambwa ko,” ta gwedhwa ko ngaaka. Okwa ti omadhina gaamboka ya kwatwa komukithi oga gandjwa kaanambelewa yokoongamba opo ya kale itaaya vulu okuza moshilongo.
Sho omukithi gwa tukuka muSepetemba, omwa lopotwa aantu ye li 141 ya kwatwa kombuto ndjoka, nomwa lopotwa omaso ge li 55.
Presidente okwa ti omukithi otagu kondjithwa. Uule womasiku 18, Inamu lopotwa omuntu a kwatwa koEbola moshitopolwa shaMubende, moka omo mwa tukuka omukithi tango, nonando mwa lopotwa omuntu gumwe a kwatwa mOmaandaha sha ikwatelela kaanambelewa yuundjolowele.
Museveni ta ti aakwashigwana yamwe otaya yi iilonga yaanbelewa yuuhaku moshipala sho taya tindi oku iyutha koompango dha tulwa po.
Uumota mboka wa tseyika nawa nedhina boda boda, owa kala nokututa aakwashigwana, shoka shi li ompinge naashoka sha tulwa po onga oompango dhokokelela omukithi.
Moshitopolwa shaKassanda, iilyo 10 yofamili yimwe oya so koEbola konima sho ya li ya the mo omudhimba ngoka gwa li gwa fumvikwa kepangelo, noku gu fumvika pamulandu gwawo.
MoKampala, aantu yaali oya li ya iyaka mehala ya li taya mono uuhaku, ya ya moshilando Masaka osho wo Jinja ayehe oya sa. –BBC