Omahore wo NPFL ma ye kayenda komurugu omayuva wo ma suviro
Orutu romahore wo tjimbere tjo kombanda mo Namibia, o Namibia Football Premier League (NFPL), rwa tjiukisa kutja muhuka omatanaukiro oyetjahambondatu wo manyando wo tjimbere maye kara ko.
Oroviungura moukoto wa Tjiwarongo porupare indwi o Mokati, o Life Fighters, ndji ri poruveze orutjavari ko katihe, mai nyanda ku no African Stars.
O African Stars tja urasana ehore rimwe ngunda o Life Fighters aya urasana omahore yevari. Ovira aviyevari mbi kape na tji tja rora okupandjara ingee kombundo’ matanaukiro oyetja hambombari, okutja otji mape undjirwa ko ehore ewa tjinene.
O Life Fighters tja zire no ku taara o African Lions no’ Utjo Academy. O Afrcan Stars ya taara omahore watjo yevari omaseinina o Tura Magic no University ya Namibia (Unam). Ovira aviyevari mbi vya ungurire nawa tjinene. O Blue Waters mai nyanda nOrlando Pirates (OP), oEleven Arrows mai nyanda no Tigers porupare indwi o Jan Wilken mEzorongondo (Walvis Bay). Omahore warwe o Citizens mai tupuka kuno Mighty Gunners po rupare indwi oNau-aib mo Kahandja ngunda o Civics amai tupuka kuno’ Kahandja United po rupare rwa Khomasdal mo Tjomuise. Moukoto wa Mbuenge (Rundu) o Julinho Sporting matji kakurasana omureru ku no Young Brazilians ngunda o Young African (YA) amai nyanda ku no Unam po rupare indwi o Legare moukoto wa Pako. Orupare rotjira tjo Unam mape sekirisiwa ehore rokupata eyuva, ovira vivari mbi turira mOkatutura, o Black Africa (BA) tji mai nyanda ku no Tura Magic. Osondaha omahore maye munika nai: OEleven Arrows mai nyanda ku nOrlando Pirates ngunda o Blue waters amai tupuka ku no Tigers. Moukoto wa Kahandja o Citizens mai tupuka ku na Okahandja United, ngunda o Civics ama iyakura o Mighty Gunners po rupare rwa Khomasdal. Moukoto wa Tjiwarongo, o Life mai kondjisasana no Brazilians, ngunda o Stars ama inyanda no Julinho moukoto wa Mbuenge (Rundu). O Unam, poo otjira tjovahongwa matji sekirisa o BA po rupare rwayo ngunda o Youg African ama itupuka ku no Tura Magic moukoto wa Pako okupata omahore wo ma tanaukiro oyetja muvyu.