Okatomeno kaRundu otaka patuluka meni leemwedi mbali: Mushokobanji
O mukulunhu wiliki mehangano loMeatco, Mwilima Mushokobanji okwa ti oilonga yoku manifa etungo naashishe sha pumbiwa opo okatomeno ko koRundu ka patuluke oi li peepelesenda 90. Ta ti nokuli pefimbo apa etemo ola ya nale momupini kokatomeno oko, okwa teelewa ashike epatululo pambelewa meni leemwedi mbali. Mushokobanji edi okwe di popya pefimbo lomutumba wali ko Etine la ya pokati kaMeatco noitukulwa ivali yaKavango. Okatomeno oko okali ngeno ken a oku pwa muJanuali 2017, konima eshi epatululo pambeewa loilonga yoku ka tunga la ningilwe mo2014, ashike oilonga oyo oya kala tai ende kashona, yo tai undulilwa komesho efimbo nefimbo omolwa omhumbwe yoshimaliwa . Paife ngaha omalolelo okatomeno okwa ulika kutya otaka dulu oku toma eengobe 60 koshivike, ashike koovene oke na ounene woku tomena eengobe dili 100 mefiku. Omukulunhu wiliki ta ti Meatco ota twikile noku mona eemhito dongeshefa dinene do odili nawa oku dja koilongo imwe yaAfrica, nodi li mouwa wovanafaalama vokoitukulwa yaaveshe. “Otwa pumbwa oku fya oshisho kutya ongeshefa ei ohatu i longo mondjila opo tu fye oshisho kutya otwei ndalapatela, notai kalelele. Onghene fye onga Meatco, otweli tula mo moku konga omangeshefelo shaashi eshi osho oshinima shimwe osho ehangano la li la dopa okushi ninga. Eshi ha tu popi ngaha ondi udite ounwa shaashi otwa tameka nale oku tuma ombelela koGhana nokoAngola. Paife ngaha otu li popepi noku mana eenghundafana opo tu tameke hatu twala ombelela yetu komalandifilo okoushilo wopokati Middle East oko nokuli haku pulwa ombelela ihapu, noku na omalandifilo opombada. Ta ti osha fimana ngeenge ovanafaala tava fi oshisho kutya Meatco oku na sha shawana shoku landifa, opo ashike ovanafaalama nehangano tava kala momalandifilo. Mushokobanji okwa pula yoo epangelo opo li tule po omulandu kutya keshe oumunhu ile ehangano tali ka pewa otendela oku yandja oikulya komandiki omoshilongo opo a kale taa lande ombelela kovanafaalama vokomadu aaveshe, opo ku filwe oshisho kutya ovanafaalama moshilongo ashishe ove na omangeshefelo nouxupilo uli nawa. Kavango omunashipundi welelo lopashitukulwa koKavango East Damian Maghambayi okwa ti okwa pandula shaashi okatomeno oko ka ninga efimbo ka pata oka patululwa nopaife otaka eta po eemhito doilonga kovakwashiwana dhomoKavango. “Hano sha hala kutya omalongekido eni okwa nyika ngoo apa, ina tu hala nee vali mu shune monima yo oilonga yi katekwe fiyo okuDeseba ngaashi mwa ningile nale, hano ohatu pe Meatco fiyo opexulilo laApiilili opo a mane shaashi pakutala shihapu osha ningwa nale,” ya weda po. Omunashipundi welelo lopashiukulwa shaKavango West Joseph Sikongo, naye okwa ulika omaliudo ngaashi a Maghambayi nokwa pula yoo ovanafaalama va longife omhito oyo va pewa oku pitila moMeatco.