Vahapu va fya moita yopaukwamuhoko moIndia
Ovanhu va koya po30 ova dipaelwa moikolokosha ya nyika oukwamuhoko moshitukulwa shokoushilombuwanhu waIndia shedina Manipur, ovanambelewa osho va koleka. Oikolokosha ei oya tamekele kuyele oshivike sha dja ko konima yoshoongalele shinene, eshi ovakalimo vomomudingonoko oo ve li omhinge novakwashiwana vamwe vomuhoko oo muhapu va pewe oukwashiwana wopamufika womuhoko wavo. Omangungo okwa ponhokela omaumbo, eetuwa, eengeleka. Eelopota dimwe oda tula omuvalu waava va xulifa po54. Okwa lopotwa yoo ovanhu ve li lwopo10 000 va tauka omaumbo avo, nomatanga eameno omayovi okwa tuminwa koshitukulwa oko okukaleka po ombili. Moitukulwa imwepo okangendjo koufiku oka tulwa po, osho yoo omakwatafano opaintaneta a tetwa ko.
Oitukulwa yopoushiinda oya tameka okututa mo ovalihongi vavo moManipur, osho shi li moushilombuwanhu waIndia noshi li popepi neengamba naMyanmar. Etanga leameno otali ti onkalo oya uka kouwa ashike epangelo la nyama kOvahindu moshitukulwa omo otali fofodolwa itali longo noudiinini okukelela oikolokosha.
Oilyo yongudu yOvametai, ovo ve li eatata lovakwashiwana moshitukulwa omo, ova kala nokupula va tambulwe ko onga ovakwashiwanaovovamonaoixuna monakudiwa. India oha yandje oilonga yepangelo, etaambeko moiputudilo yopombanda osho yoo oipundi yopapolitika peendodo adishe depangelo kovakwashiwana ve li mongudu ei nelalakano okupukulula omapuko opandjokonona a li a ningwa eshi va kala va tulwa kongudi.
Eshi otashi ka pa Ovameiteis ondjila ya pala yokuya momakuti nokuvakwashilipaleka oilonga yomepangelo osho yo etaambo moiputudilo yyelihongo lopombada. Omihoko dikwao odi na elikwato pomutima kutya otadi ka kanifa edu ngeenge eshi osha tulwa moilonga.
MEtivali loshivike sha pita, ovanhu omayovi koshi leunganeko longudu yovanafikola loAll Tribal Students Union of Manipur ova li va ninga omunyanyo ve li omhinge nomhangela oyo yokutofa mo omuhoko oo u likalekelwe. Efiku la landula, oikolokosha oya tukuka.