Zimbabwe vati a mangulula ovakwatinghonga kamana
E XWATA leengudu domhilameno deli manga kumwe moZimbabwe, ledina Citizens Coalition for Change (CCC), ola ti mokati kovanadolongo veli 4000 ovo va mangululwa pafilonghenda lomupresidente, omwa kwatelwa ovanhu ovo va kwata onghonga ounona. Presidente Emmerson Mnangagwa okwa mangulula ovanadolongo va dja komandiki eedolongo e li 47 nelalakano oku shunifa pedu omivalu dovanadolongo moshilongo. Ovakulunhu veedolongo ova ti ovalongi voimbuluma yomakwatonghonga ovo vamwe vomwaavo inava kwatela mo mefilonghenda. Ashike ouvidio va tambulafanwa kovanhu vahapu komalungula ova ulika ovanhu ovo va tofwa mo kutya oven a oimbuluma yomakwatonghonga tava tanhe voo tava hele, va hafa eshi va ti va mangululwa. Vamwe vomomakwatinghonga ovo, va ti modolongo inava kala mo noulefimbo wodulu. Omushangwa woCCC oo wa pitifwa mEtitatu, otau ti inashi nyika omadiladilo oku mangulula ovakaulinyanga ava inava vyulwa onghalo vali inaku popiwa noihakanwa yavo opo i xungwe omwenyo yo i longekidilwe oshinima osho. “Okumangululila ovakwatinghonga ovo inava vyulwonghalo, vo inava longela ehandu lavo nande nande, vo vali otava ka kala moshiwana omo mu na ovakainhu nounona vehe li meameno oshinima osho itashi dulu okupopilwa moshilongo shoudemokoli,” omupopiliko woCCC Fadzayi Mahere ta ti. Ovazimbabwe vamwe ova ya kosocial media ok ova pula opo etokolo eli li talululwe shaashi ola tula ovakainhu moshiponga. “Moshilongo shi na elandulafano, kamu na efiku namu mangululwe ovanhu va longa oikulumuna inene, oyo ya kwatela mo onghonga. Ovakainhu moshilongo eshi kave li meameno nande nande,” osho omutoolinghundana omupekapeki Hopewell Chin’ono, oo a shivika nawa omolwa oinyolwa yaye oyo ya yemba epangelo a nyola kepandja laye loko Twitter. Epangelo laZimbabwe natango ila maka ko, no ina li nyamukula ko komapopyo oo