Onkalo yokwaa na iilonga otayi vulu okupiyaganeka ombili - Geingob
Presidente Hage Geingob okwa ti onkalo yokwaa na iilonga, unene mokati kaagundjuka, otayi vulu okupiyaganeka ombili nonkalo yengungumano.
Ta ti Namibia okwa mangulukila oompito dhomangeshefelo tadhi ya naakwiilongo opo ku lwithwe onkalo ndjika ya nayipala.
Ndhika Geingob okwa dhi popi shoaliainikakomilungunosheendo shAanangeshefa 11 sha za koIndia mEtitatu, pegumbo lyepangelo mOvenduka, ta ti nonando Namibia ota panga ngele tashi ya kombili yopapolitika, omwaalu ogundji gwaagundjuka yaa na iilonga kashi shi oshinima oshiwanawa notashi vulu okupiyaganeka ombili moshilongo.
“Papolitika tse otu na ombili, ashike onkalo yokwaa na iilonga, okukala wu na aagundjuka yaa na iilonga kashi shi oshinima oshiwanawa, otashi vulu okupiyaganeka ombili. Nonando tatu itanga kutya tse oshilongo oshinambili, otu na uupyakadhi wonkalo yokwaa na iilonga we tu palamena. Otwa kala nokumona iihunakonimashondayikoshipundi, oshoka onkalo yeliko oya gu pevi, osho wo twa dhengwa koshikukuta nokomukithi gwocovi-19, ashike ngashiingeyi otu na etimaumbwile naNamibia okwa egulukila oompito dhoongeshefa,” ta ti ngaaka.
Poshiiningili opo tuu mpoka, Omuprima gwoshilongo Saara kuugongelwa-Amadhila okwa ti epangelo olya tula po omilandu dhokuyambidhidha omangeshefelo tadhi gamenwa notadhi endele pamwe nooveta dhelelo lyoshilongo.
“Otu na aagundjuka oyendji, nolundji oyo hatu tala tango tu shilipaleke kutya otwe ya nkondopekaopotukalenaaniilongo ya pyokoka opo tu mone mo sha miilonga yetu ongoshilongo, tse tu likole uuwanawa nokuya komeho,” ta ti ngaaka.
Omukwatelikomeho gwosheendo, Akkshye Tulsyan okwa ti India naNamibia oye na ekwatathano ewanawa pokati kayo lya ngushupalekwa kesimanekathano, osho wo elongelokumwe miimpungu ya yooloka, mwa kwatelwa eliko, omithigululwakalo osho wo iipumpungu yomangeshefelo.
“Onkambadhala yaNamibia okusila oshimpwiyu omudhingoloko gwe gu li nawa nookuume yopaigwana oya humitha komeho omakwatathano omawanawa. Natu tsikileni okulongela kumwe opo tu nkondopeke ekwatathano nelongelokumwe ewanawa pokati kaNamibia naIndia. Otatu vuleni okupala onakuyiwa ombwaanawa yiilongo yetu tse tatu longeleni aakwashigwana yetu uuwanawa,” ta ti ngaaka. Osheendo osha li sha kwatela mo aanangeshefa miikondo ngaashi shelongo, endulukepo lyiilongithomwa yuuhaku osho wo muutekinolohi nayilwe.