Oonakulivaka modolongo (7) natango inava monika
Omukulunhu koshikondo shokukonakona oimbuluma mOhangwena omupedu Commissioner Zachariah Amakali okwa ti ovalumenhu vaheyali ve li vaka modolongo koitaashi yopolifi kOshikango nokOhangwena fiyo onena inava monika.
Okwa ti opolifi oya li okuninga eenghendabala nokupula oshiwana ashike ka pena ouyelele tau monikifa ovanadolongo ovo.
Onghee okwa ti opolifi otai twikile nokupula ekwafo moshiwana kwau e na ouyelele kombinga yovalumenhu ava molwaashi otava kongwa kopolifi nokukala va kwatwa po diva.
Konima yoivike ivali okwa lopotwa ovalumenhu 10 ove li vaka modolongo koshitaashi shopolifi mOhangwena efimbo lokonguloshi.
Ovalumenhu vati ova longa oimbuluma ngaashi oulunga wokuteya omaumbo noshoyo onghendabala yedipao.
Amakali okwa hokolola ta ti ovanadolongo ava ova teta oipeleki pombada yetungo nokufaduka po.
“Ovanadolongo vane ova kwatwa va hangika keenhele da yooloka -kOngha, Okatope nokOngwediva konima eshi oshiwana sha longela kumwe nopolifi okuyandja ouyelele,” ta ti.
Amakali okwa holola yoo kutya om una do long owe ed ula 36, Will em She eh am a ou e li vaka modolongo koshitaashi shopolifi kOshikango muFebuluali naye ina monika. Ota ku hokololwa kutya omulumenhu ou okwa teta mombada yoipeleki nokufaduka po efimbo loufiku.
Amakali okwa yelifa kutya eshi oshikando oshitivali Sheehama te li vake modolong. Omudo wa djako okwa li elivaka modolongo kOshikango ndele ta kwatwa.
Okwa li a hangika kodoolopa yaSwakopumund a hondama.
Omulumenhu ou vati okwa li a kwatwa po mekwatafano noshibofa shoumbudi wokuteya omaumbo lwoikando ya yooloka.
Okwa didilikwa oshitaashi shopolifi kO shik an go ha ku livak eu ne neo van ad ol on go.
Omudo wa djako koshitaashi shopolifi kOshikango okwa li kwa lopotwa natango ovalumenhu va heyali ve li vaka modolongo va pitila pombada yoipeleki nokufaduka po va yuka moAngola.
Onghee Amakali okwa ti ombelewa yaye oye li pyakadila nokuninga omapekapeko kombinga yonghalo yovanadolongo tave li vake modolongo moitaashi yopolifi.