Outapi wa tameke okutunga omakungulukilo gomeya
Elelo lyondoolopa Outapi olya tameke noproyeka yoku tunga uukanka woku kunguluka omeya mondoolopa.
O mu ku luntuwi li kigw el elol yo ndoo lo pa lyOutapi Nashilongo Ananias okwa ti, oya ndhindhilike ondoolopa yuuka komeho, nomahala gamwe ohaga talama omeya una kwa lokwa unene.
“Oproyeka yoku tunga uukanka otayi kwathele omeya ga pite, oshoka ngele oga kala gaana uupitilo otaga monikitha ondoloopa ya nigila,’’ ta popi ngaaka.
Ta ti, omeya ngele kagena mpota taga piti natango ohaga vulu okukungulukila momahala gaantu.
Okwa fatulula kutya omakungulukilo otaga tungwa mepandaanda enene mondjila Outapi-Tsandi.
“Uukanka mboka owa simana, unene ethimbo lyefundja, sho omeya ga pumbwa okumona oombululu adhihe opo ga pite gaye komeho,” ta fatulula ngaaka. Ananias okwa ti shika otashi ka tula ondoolopa ponkatu yimwe, ndjoka tayi like nkene elelo lyondoolopa yOutapi tali humu komeho.
Omalelo goondoolopa monooli oga kala noku tunga oshowo okuopaleka uukanka moondolopa dhawo omolwa etompelo lya faathana.
Elelelo lyondoolopa yaNdangwa nalyo olya li lya kutha onkatu opo li opaleke omikanka noombululu dhoku kunguluka omeya, ndhoka dhali dha thitikwa kiiyagaya mbyoka hayi imbi omeya ga pite.
Omugandji gwomauyelele melelo lyondoolopa yaNdangwa Petrina Shitalangaho-Mutikisha okwa ti, otaya opaleke uukanka opo omeya ga pite ga manguluka.
“Ngele oondjila ndhomeya itadhi thitululwa omeya otaga talama nokukakeka ondoolopa,’’ ta fatulula ngaaka.
Shitalangaho-Mutikisha natango okwa li a kumagidha oshigwana kaashi umbile iiyagaya momikanka dhomeya, oshoka otadhi thiti.
“Natu kalekeni ondoolopa yetu ya yela. Oku ekelahi iiyagaya kehe mpoka ohaku gandja iilonga yagwedhwa po, no hashi gandja ethano lyondoolopa ewinayi,’’ ta popi ngaaka.