Okaana ka kufwa momake ‘omukwati-mbambyona’

Omulumenhuweedula40okwakwatwapomexuliloshivike eshi vati a vakula po okaana kokakadona kodula neemwedi nhee ndele ta nhukile nako motaxi.

Oshiningwanima osha ningwa poshitaashi shomahooli mEenhana, moshanga shomutenya. Omulumenhu ou, na ina yokaana kave li shi.

Omupopiliko wopolifi moshitukulwa shaHangwena Sergeant Simeon Haufiku okwa hokolola ta ti okaana oka vakulwa po pefimbo kwa li ina ta lande oikulya, naashi a ka keuka okaana kaye oka iwa nale nako.

Elao linene povanhu ovo va mona eshi omulumenhu ta vake po okaana opa li omukainhu umwe eshi omufekelwa, ye vali oku na onomola yongodi yaye.

Omufekelwa eshi a dengelwa ongodi okwa holola kutya okwa heluka motaxi pomukunda Oushake moshitukulwa shaHangwena.

Vati omulumenhu ou okwa shikulwa kopolifi oyo ya hanga ya hanga a yandja nale okaana komukainhu wopomukunda wavo opo eka twalele keumbo. Omukainhu ou vati ova enda motaxi imwe nomufekelwa, ye omufekelwa ta pula nee omukainhu e mukwafe a twaalele okaana kaye ‘keumbo’ shaashi ota shuna kEenhana. Okwa hangika nee li pyakidila nokukonga olefa ya yauka komukunda wavo i twaalele okaana nomukainhu oo e ka pa.

Vati e shi a ningilwa omapulapulo tete okwa lombwela opolifi kutya okaana okaye.

“Konima yefimbo okwa ka tya okwa pukifa shaashi okaana kange okafa kaye,” ina yokaana Ndinelao Shevayengange ta hokolola.

Shevayengange ta ti omulumenhu ou ke mu shi, yee opo te mu mono lwoshikando shotete.

Okwa koleka kutya okaana kaye ina ka hangika ka ningilwa omunyonena.

Okwa kumaida ovakainhu vakwao opo va kale va kotokela ounona vavo ngeenge ve li mokati kovanhu.

Omufekelwa okwa kwatwa po nota pangulilwa oshibofa shokukwata po ounona ombambyona.