MET ota hupitha oondjambameya
…sho omakungulukilo gomeya taga pwiinine
Ehupitho lyiimakuti… Iitentemba yomeya mevi lyawalye, pokati kaNamibia naBostwana oya tameka oku pwiinina, oondjambameya odha pumbwa ehupitho lyombala oshoka otayi pwine tayi endelele.
Albertina Nakale
KATIMA MULILO – Uuministeli womindhingonoko (MET) otawa fulu oomboola momahala gamwe nelalakano oku hupitha oondjambameya momahala ngoka ga dhengwa noonkondo koshikukuta moshitopolwa shaZambezi.
MET ta ti shika oye shi ningi oku keelela ekanitho lyoondjambameya momiyalu ominene ngaashi sha li sha ningwa monakuziwa.
Omunambelewa muuministeli mbuka moshitopolwa shaZambezi, Morgan Saisai okwa lombwele
oshiwike shazi ko kutya onkalo yoshikukuta oyuuka kuuwinayi, nuunapelo wiiyamakuti mbika oyi li moshiponga.
“Onkalo kayi li nawa nando. Okuza mu Apiilili omahala gomeya ngaashi Lake Liambezi sigo oku okoNgoma, otuna ko nale oondjambameya dhili momanono. Otwa ningi wo omapekapeko koNkasa Rupara, hoka nako twa mono kutya otaku ende taku pwine. Ngele owa tala kiishana yaZambezi, iitentemba oyindji ndjoka hayi kala yi na omeya otayi ende nokupwiinina, oshinima shika tashi ka xwaxwameka iita pokati kaantu niiyamakuti. Ngele omvula oya kala inaayi loka, onkalo yoshikukuta otayi ka geya,” Saisai ta ti. Oshiwike sha piti, uuministeli owa li wa pombele omeya momboola yafulwa po mo2019, osheendelela, koMahe [kombinga yaNamibian pokati kayo naBotswana].
Ta ti pokuma mpoka ohapu nu oondjambameya dhithike lwopo 120, nongele iikwaniipangitho oye shi pitike, otaya ka tameka oku pombela omeya komandhiya geli kokule moshilongo oshoka oondjamba nandho odha tameka oku inyenga tadhi zi ko koChobe nokiikunino yiinamwenyo yilwe.
Saisai ta holola kutya opu na ishewe oomboola hadhi longo komipepo koSikunga nuuministeli owu na elalakano oku gwedhako olusheno loketango opo dhi tameke oku pomba omeya goku hupitha oondjamba noonduli.
Momumvo2019 moZambezi okwali mwa lopotwa oondjambameya odhindji dha kakatele menono nokusila momulonga gwaChobe. Shika osha li sha eta euvathano pokati kaNamibia naBotswana opo ku ningwa oomboola ndhoku pombela omeya momulonga.
Opu na ompumbwe onene yoku tula iikwaniipangitho kumwe opo tu tameke oku pombela omeya koLusese, Saisai ta ti koSalambala nako okwa pumba omboola.
Omolwa eshongo ndika, Saisai okwa pula Aanamibia naayehe mboka taya vulu oku kwatha noshimaliwa opo ye shi ninge, koo ku hupithwe oomwenyo dhiiyamakuti.
Kakele kwaashoka Saisai okwa gwedha ko kutya ketonatelwahala lyaKwando nako kaku na omeya nando ku na oopomba. Onkene okwa pumbwa oku gandjwa omeya. “Otuna uupomba uyali koMudumo. Otwa pumba oku sa oshimpwiyu kutya omeya otaga lotoka kuumbomba mbuka. Oshitopolwa shaKwando nasho osha pumba omeya, ashike otwa pumbwa iimaliwa opo tu vule oku ninga iinima mbika,” ta hehela.