Ovanafikola va kumaidwa ve li honge nondjungu
OMUPEDU minista elile po ovanhu ve li konima yefiya Royal Kxao //Uiloloo okwa kumaida ovanafikola opo ve li tule mo moinyangadalwa yavo yofikola fiyo tava i koiputudilo yopomba.
Edi \\Uiloloo okwe di popya pefimbo kwa li ta tambula ko pambelewa oikwafifohongo ya pewa eefikola nhatu domoshikandjohoololo shaTsumke moshitukulwa shaTjozondjupa oshivike shadja ko.
Eefikola ngaashi Asvoeleness Primary School, Benz Board Primary noM’kata Primary School onda pewa oikwafifohongo kehangano leeshi loLeverage. Ovanafikola ova pewa eenghaku, omidjalofikola nomambo okushanga neepena.
Ehangano loLeverage oya yandje yoo vali eendoxa deeshi 10 000 koshiwana shi li komudingonoko waTsumkwe.
Omupedu minista okwa ti ombelewa yaye otai twikile nokukonga omakwafo okuyambidida oshiwana shovayelele shi li moluhepo unene tuu ovanafikola noshiwana shi na oulema.
Okwa pandula ehangano loLeverage eshi la yambidida ovanafikola vomoshikandjohoololo shaTumkwe molwashi okwa didilikwa koshikandjohoololo oko ku na oshiwana tashi dengwa koluhepo.
“Ovanafikola ova fimana moshiwana molwashi omunafikola ngeenge okwa mone elihongo laye ota ka ninga omunashilonga meifano la yooloka ile omuleli wonhumba,” ta ti.
Okwa ti osha fimana ngeenge ovanafikola tava yambididwa noikwafifohongo opo ovanafikola ve li honge nondjungu nokupita nawa noidjemo iwa.
“Ovanafikola va dja moshiwana shovayelele navo ova fimana nove na oufemba ngaashi naanaa ovanafikola aveshe moshilongo. Omunafikola keshe ota dulu okuya koshiputudilo shopombada ngeenge okwa piti ondodo onhi-12,” ta ti.
Okwa kumaida ovakulunhufikola opo va shivifile ombelewa yaye kombinga yovanafikola va dja moshiwana osho kwa li sha tongolwa nale noshiwana shovayelele ngeenge vataalelaomashongooikwafifohongo.
Omukulunhuwiliki wehangano loLeverage Ephraem Tutjavi okwa elalakano lokuyambidida eefikola okushakeneka epangelo ondjilakati noshoyo okuyandja omukumo kovanafikola ve li honge nondjungu.
– fhamalwa@nepc.com.na