Nopomba 20 kavadiveke momukunda gwaOhangwena
Munamberewankuronagona goministeli zonondima, mema newapukururo evhu, Elijah Ngurare kuna kugava ruguwo rwendi komukaro ogu omu vanttu vana kuvaka nopomba momukunda gwaOhangwena edi vatambesera asi divatere vantu ava vana kunyanda monomukunda odo. Age katente asi 20 nopomba kavadiveke konyara pwahana kupita kwedi, momukunda Ohangwena mvhura zeezi.
‘’ Kuvaka nopomba ntani kuzonagura evhu eli nonopomba dalyo kuna kara mukaro dona ntani kapi tatuyitarerere. Ezonaguro enene unene, kuna kukapura nomiliyuna nhena mokukayiwapukurura, ntani kuna kukareta udigu womema movantu vetu, ava vana kukasiga kwahana mema kapi yina kumoneka nawa ose kuna kuvatera vantu anon ye vawidi awo kuna kuyirugana namo peke,’’ yimo ana kuyinkondiopeka ngoso Ngurare. Age kagwedereko asi nkarapamwe ngesi zina tokora asi vahepa nye kukeverera yiruganeso yawo eyi moomu navavhulira. Mohuyungilipo gonondima Jona Musheko katente asi kuvaka nopomba edi ntani nosolar, edi vatura ponopomba kuna kara udigu unene.
‘’ Mukaro gwangesi kapi guna kara tupu asi moOhangwena, pwantani ngesi kuna kara nye monomukunda horowero nadinye. Kuna kara asi mukaro dona ogu tragututengwida nkenya apa konyima unene melikwamo lyokugava mema, yimo ana kutanta. Age kayididilikire asi mokugwanenamo yopeke, kuna kara asi kuna kuyingungunyikira koyimaliwa yokusika ko N$80 000 omu muna hamenenye yokuruganesa yokusika hena ko N$20 000 mwankenye pomba.
‘’ Ose kapi tatuvhuru nawa nawa nawa kuna kara marandesero oku vana kuditwara nye twahepa kuyikona kona dogoro ngatuyigwane, nye kuna kuyigazarera tupu asi kokuli oku vana kudirandesa.’’ Yimo ana kutanta. Nomukunda edi yina gumu unene yokuvaka nopomba kuna kara Ohangwena, Okanghalulwena, Okanyanona, Oshalande, Omulamba, Okamanya, Okakongwena, Epangwe, Onamatadiva, Oshanashiwa,Vendeme,Oshidute, Ondobeyongwena, Ekangolomuve, ntani Onghalulu. Musheko katente asi awo navawapukurura ekeverero lyonopomba edi, age yipo nye kahundlire vatungimo asi vakaverere nopomba edi ngwendi davene.
Posiruwo nye sokugava paveta pomba zonene, momapeu moOhangwena, nkuruministera Saara Kuugongelwa – Amadhila katente asi age ana huguvara asi vatungimo navatakamesa nopomba edi.
‘’ Ezonaguro ntani kudivaka kuna kara yininke yoyidona. Ntani ame kuna kuyimona asi moomu nye miuna kara nomema ngesi hawe tomulkulike mukunda gweni,’’ yimo ana kutanta. ‘’
Ose twahepa kuyidiva asi kumborora ekero lyopomba ndiro unene.
Yipo nye asi ytwahepa kupandura epangero momunene, mulyo unene tukeverere yininke yetu eyi tuna kugwana kepangero yina tamba kovatungimo vetu momukunda gwaOhangwena.
Ndeitunga katente asi kutunda tupu mo 2022, dogoro ngesi nosilinda dokusika ko 22 ngesi vana divaka, momakero gomoOkongo momukunda horowero gumwe tupu. vkaaapanda @nepc.com.na