Bapangi bamulao baelezwa kutalima ketululo ya sifumu

LUDERITZ – Linda McLeod, muelezi kwa kampani yebona zakuhulisa lipisinisi ili yezibahala ka Namibia Investment Promotion and Development Board (NIPDB), ususuelize bapangi bamulao kutalima kusalikanelela hala kuaba sifumu kukala ka likalulo za oli ni gasi. Nihakubonahala kuli naha ikutelwa kimasheleñi amañata kikalulo feela yelikani yebubela kwa sicaba.

Kwamukopano ono babaza zalika zelafwa mwanaha Namibia kwa Luderitz, McLeod nabulelezi Nampa kuli mihato iswanelwa kungiwa kubona kuli kuna ni kulikanelela kwa kuaba masheleñi, sihulu kundongwama kuhula kwa lika zelafwa mwanaha.

“Bayahi banaha Namibia babata kabelo kwa sifumu sanaha kuzwela mafula a oli ni gasi kuli bafumane se siñwi. Kuzwa kwalikezo zekwahalimu kutisa kuze fafasi, kuswanela kuba ni kolo yakuli bayahi ba naha Namibia ba ba ni kabelo ni kufumana mipuzo yateni,” nabulezi.

Naekelize kuli naha Namibia, sina haikuhumusa kanaha yepatami hande ni lifolofolo zeñata isweli kuhula mwalitaba za lifasi bakeñisa likalulo zateñi zabutokwa ili oli ni gasi. “Naha inga musipili wakulafa ni kubakanya milafo, kuna ni tokwahalo yakuli bayahi banaha ba ba ni kabelo kuli zefumanwa li ikabelwe kakulikanelela kwabayahi banaha,” nabulezi.

Nasusuelize hape kueza mikopano mwanaha kaufela, kamulelo wakuluta nikubona kuli sicaba siba ni kabelo mwalika zende zetiswa ki likalulo za gasi ni oli.

“Kutisa mikopano yeo mwalikiliti, bayahi banaha Namibia bakona kufumana mañusa abutokwa, nikuitenga mwalingambolo zakuli baba cwañi ni kabelo,” nabulezi.

Naize kubupa silikani mwahala batu balipisinisi babali mwanaha Namibia ni makampani alafa oli akwanda naha, ikona kuba nzila kubona kuli buñata bwa bayahi banaha ba ba ni kabelo, mi bakona kufumana zibo yetokwahala.