Ozondekurona za Ngama maze zemburuka omakotokero oyetja o-31 okuza kOtjauana

Ozondekurona zOtjiṱiro Otjindjandja mOngama maze zemburuka omakotokero wazo oyetja 31 okuza kOtjauana omayuva womasuviro nga.

Tji ye ri 28 ku Kozonjanga, ngeri omayuva mo 1993 ngu za hita mOnamibia, tjandje oro nao ra kutuka ozombura ndatu uriri, otji ze zemburuka omakotokero nga. Movitjitwa vyeyuva orini, ndi ri Osondaha, mu nomahungi wovanane vombazu nowohoromende pekepeke ongondoroka nomatokero nge ve hungama otjovandu mba ngunda amave ṱizirwa mOngama ngandu tji va pewa omahandurisiro. Omahandurisiro ngamba yarire ozombura o-31 ngu ve hi ya pewa nu pu pe ha munika ayo okuveri maave kapewa.

Tjinga nandarire nai otjimbumba tjarwe atji rongerera nokurongerisiwa okukotoka.

Tjozosarama nai nḓe tamunisa tjo ngunda itji tjo 1993 ngamba atji ri morupanda. Imwe yozosarama ndji ku za oyomahandurisiro watjiva tja mba kuramene okukotoka okuza kOtjauana, Owitsanda ndji ri mozondendera za Pako mOmaheke, oyo omueze mbwa zuko ovaṱuta tjiva mu va kahitisire ovinamuinyo vyawo mokutja kanaave yandjere ovinamuinyo vyawo okuṱa i yourumbu ngunda ape nehi ndi ri uriri kari ungurisiwa yarire ape kombanda yombura.

"Ovakuru vetu va taura ovita vyo 1904 tji vya rira ovitavita, novengi mbu mave kara povitjitwa vya tji ye ri 28 ku Kozonjanga, va kakwaterwa kOtjauana nOvanamibia mba tjangisiwa," omusembamise womazemburukiro, Ernst Muraranganda ma tja.

Tji tjiri tjimwe tjotjiraisiro tjokutjangambaovonangwarive ri komiti tjinga nandarire ave hi ya zemburukwa otjovakwatera. Kutja nangwari vya pirama otja tji vya pirama, tjimwe tjovitjitwa vyokomurungu wa Sondaha, Omaurikiro wOmusukona Omukotoke wa Ngama wo 2024.

Okutwako onyungu kotjikamo kokutja kahoromende ndji he ve zemburuka uriri nungwari nandarire ovo oveni na iho tjiwaṋa tji sokuvevara otjovakotoke ngamba.

Mo 1993 ape ozondekurona 7000 onḓa hitirire pOmuvero wa Muhembo.

Omuperende: Kae Maṱunḓu-Tjiparuro Kehi yokamuti… Ozondekurona zOtjiṱiro Otjindjandja nḓa kotoka okuza kOtjauana mo 1993 za wama kehi yokamuti mOtjomuisie komurungu wOtjombanguriro tjOkombanda mOtjomuise mo 2011 okurwira ozongombe zawo nḓa kamburwa tji ve ze undurira mOtsumkue mena rwourumbu. Ozo za ya, za iririra. Ozondekurona nḓa ngamba zeri kombanda omitwaro mOngama ku za kaumbwa mo 1993.