MEN­SE: MAN­NIE GOLDBECK

Weg! Namibië - - INHOUD - TEKS EN FO­TO ERNS GRUND­LING

Ont­moet die s­to­rie­man ag­ter die Gond­wa­na-lod­ges

Man­nie Goldbeck, die man aan die s­tuur van die lod­ge­groep Gond­wa­na Col­lecti­on Na­mi­bia, is ’n plat-op­die-aar­de vi­si­oe­nêr wat glo in die krag van sto­ries.

“Ons ver­tel sto­ries,” sê Man­nie Goldbeck, “’n toe­ris soek ’n sto­rie as hy na ’n land toe kom.”

Ek en Man­nie sit oor mid­dag­e­te by die Wind­hoek­skou in een van die Gond­wa­na­saal se stil hoe­kies.

Gis­ter­aand is Mer­vin Beu­kes van Re­ho­both hier aan­ge­wys as die wen­ner van die 2014 O­kam­bas­hu Sto­ry Quest (sien die kas­sie op vol­gen­de blad­sy), ’n nu­we kom­pe­ti­sie om Na­mi­bië se voor­ste sto­rie­ver­tel­ler te vind. ’n Paar van die “ou bul­le” van sto­rie­ver­tel in Suid-A­fri­ka – Jam­mies Jam­neck, Ni­co Nel en Ar­no van Zyl – was be­oor­de­laars by die ge­leent­heid.

Man­nie, as be­stu­ren­de di­rek­teur van Gond­wa­na, was nou be­trok­ke by dié nu­we pro­jek, wat in sy eer­ste jaar meer as 100 in­skry­wings ont­vang het.

“Ons wil die ou tra­di­sie van sto­rie­ver­tel laat her­leef in die land, dalk selfs ’n nu­we Jan Spies vind,” sê Man­nie. “Ons wil jon­ger men­se aan­moe­dig om hul­le sto­ries te ver­tel. Die A­fri­kaan­se taal laat ’n sto­rie lééf. A­fri­kaans is ook die lin­gua fran­ca van ons lod­ges.”

Hier­die kom­pe­ti­sie sluit ook aan by Gond­wa­na se nu­we man­tra: “Ha­ve a sto­ry to tell.”

“Of ons nou vir gas­te sto­ries ver­tel én of gas­te ná ’n be­soek huis toe gaan en self sto­ries ver­tel... dit gaan oor sto­ries,” sê hy.

Man­nie is ’n der­de ge­ne­ra­sie Na­mi­bi­ër – sy ou­pa was ’n Duit­se sol­daat en het hom in 1890 hier kom ves­tig. Man­nie het op ’n plaas oos van Wind­hoek groot­ge­word.

Hy wou eint­lik ’n joer­na­lis word, maar het on­der­wys gaan stu­deer en skool­ge­gee in ge­skie­de­nis en aard­ryks­kun­de by Con­cor­dia Col­le­ge in Wind­hoek.

Maar 25 jaar ge­le­de het hy be­sluit om halt te roep en ’n nu­we loop­baan in toe­ris­me te be­gin.

“Ek het eers ’n toer­maat­skap­py ge­had, Top Tra­vel, maar dit ver­koop toe ek be­sef daar is ’n va­kuum na­by die Vis­ri­vier­ca­nyon vir bly­plek. Daar was eint­lik net Ai-Ais. Men­se wat ca­nyon toe wou gaan, moes so ver as Keet­mans­hoop bly.”

“Ek en ven­no­te het be­gin om skaap­pla­se on­der by die ca­nyon te koop. Dit was ná lang droog­te­ja­re, baie van die boe­re het uit­ge­boer en weg­ge­trek. Ons wou ’n gro­ter be­wa­rings­a­rea skep en het toe die Gond­wa­na Ca­nyon Park be­gin, wat van­dag 130 000 hek­taar groot is.”

Hei­nings op hier­die voor­ma­li­ge pla­se is laat sak en grens­dra­de teen­aan staats­grond ge­lig. “Die mees­te wild was uit­ge­skiet. Ons het weer ka­meel­per­de, har­te­bees­te, wil­de­bees­te, spring­bok­ke en berg­se­bras in die ge­bied her­ves­tig. Ons wild het selfs al be­gin in­trek in die staats­ge­bied.”

Om hier­die be­wa­rings­werk moont­lik te maak het jy na­tuur­lik ’n in­kom­ste no­dig. “Ons het nie meer met ska­pe ge­boer nie; ons boer met toe­ris­te,” sê Man­nie.

Die plaas­huis by Kairos – ’n Bei­er­se he­re­huis ge­bou in die vroeë 1900’s – is om­skep in die Ca­nyon Lod­ge en die eer­ste gas­te het in No­vem­ber 1995 op­ge­daag. Die “ys­ter­bed” op die huis­dak is ’n Bei­er­se tra­di­sie: Dit sê ’n vry­ge­sel woon hier en wag op ’n bruid. La­ter het die Ca­nyon Ro­ad­hou­se (met ve­te­raan­kar­re as te­ma) en die Ca­nyon Vil­la­ge ge­volg.

Deur die ja­re het Man­nie nóg lod­ges ge­o­pen – van­dag is daar 14 land­wyd, van die Zam­be­si­ri­vier tot Sos­sus­vlei en die Ka­la­ha­ri.

Sto­ries vind ook neer­slag in nóg een van Man­nie se groot pas­sies: Die maak van boe­ke. Se­dert 2011 het Gond­wa­na Col­lecti­on reeds ’n stuk of 20 boe­ke uit­ge­gee wat by die lod­ges te koop is.

“Ek was nog al­tyd lief vir boe­ke en op skool was daar ’n on­der­wy­ser wat my lief­de vir ge­skie­de­nis aan­ge­moe­dig het,” sê Man­nie.

“Dalk het die skryf van boe­ke iets te doen met my des­tyd­se droom om ’n joer­na­lis te word.”

Die Gond­wa­na Ge­skie­de­nis­reeks, wat in Au­gus­tus 2010 be­gin het as ’n week­lik­se ru­briek in Die Re­pu­bli­kein en Al­l­ge­mei­ne Zei­tung met s­taal­tjies uit Na­mi­bië se ver­le­de, het in­tus­sen ge­groei tot ’n reeks van vyf boe­ke, en ’n ses­de is op pad.

Van hier­die gre­pe uit Na­mi­bië se ver­le­de is ver­ras­send: Plaas­boe­re wat re­ën wil maak met vuur­py­le, di­a­mantsmok­ke­la­ry in ’n bor­deel, ’n boer­vrou wat ’n leeu kaal­hand trot­seer...

Die nuut­ste boek is The First Wor­ld War in Na­mi­bia – ge­skryf saam met die oor­logs­ken­ner Gor­don M­cG­re­gor.

Wan­neer Man­nie self ’n blaas­kans neem, gaan hy graag op ver­re va­kan­sies, soos na Ku­ba. Een van sy droom­be­stem­mings is Mon­go­lië.

“Ek kan nie by my eie lod­ges va­kan­sie hou nie,” sê hy lag­gend. “Ek gaan ook baie na Suid-A­fri­ka, dis my twee­de tuis­te.”

Maar die mees­te van die tyd lééf hier­die be­skeie en­tre­pre­neur sy pas­sie: Om met sto­ries én toe­ris­te te boer.

Newspapers in Afrikaans

Newspapers from Namibia

© PressReader. All rights reserved.