Ein vinnar i valkampen
Staden er Evjemoen, forbilda er danske folkehøgskolar med gode søkartal og gode resultat, målgruppa er ungdom som treng litt hjelp, disiplin og oppfølging for å få ei betre helse resten av livet.
Eg trur ein komande Folkehøgskole Helse på Evje er ein av dei store vinnarane i valkampen i Agder-fylka. Folkehøgskolen skal bli den første og einaste folkehøgskole i Norge oppretta med formål å hjelpe familiar og ungdom til sunn og helsefremmande livsstil.
I eitpar år har Alf Tore Moen ved klinikken for livsstilsendring på Evjemoen, brukt kombinasjonen av imponerande resultat ved slankeklinikken, idégrunnlaget for folkehøgskolane og dokumentasjon av helseutfordringar for ungdom til å få med seg stadig fleire i konkrete planar for å opprette ein ny folkehøgskole.
Alf Tore Moen har vore i Folkehøgskolerådet og fått rådet med seg, og han har brukt Arendalsuka både i fjor og i år til å knyte kontaktar.
Fleire av oss har hjelpt til med å åpne noen dører på Stortinget, og vi har hatt gleda av å lytte til grundige presentasjonar vi har laert mykje av.
12. september, dagen etter valet, var initiativtakarane i møte med leiinga i Helsedirektoratet. Nå blir det nye møte med Helsedirektoratet for å utvikle planane.
Staden er Evjemoen, forbilda er danske folkehøgskolar med gode søkartal og gode resultat, målgruppa er ungdom som treng litt hjelp, disiplin og oppfølging over tid for å få ei betre helse resten av livet.
Vegen dit er det faglege innhaldet og miljøet i ein folkehøgskolevinter, bygd på det beste av erfaringane frå dei nesten 90 norske folkehøgskolane.
Leiande folk på fylkesplan og på Stortinget for alle stortingsparti har nå besøkt klinikken for livsstilsendring og blitt fotografert smilande på trappa på Evjemoen, og dei har uttalt seg svaert forpliktande.
Alle partia i sosialkomiteen på Stortinget har uttalt at dei støttar planen. Venstre har i tillegg lagt inn ein merknad frå utdanningskomiteen, som vi nå håpar alle partia sluttar seg til.
Dei to regjeringspartias toppkandidatar i Aust-Agder (for Høgre sin del også i Vest-Agder) lovar å arbeide for skolen. Kjell Ingolf Ropstad og Iselin Nybø i dei to tradisjonelt mest folkehøgskolevennlege partia Kristeleg folkeparti og Venstre, har arbeidd grundig.
Arbeidarpartiet har hatt med seg Trond Giske innom Evje, og nyvalt stortingsrepresentant Tellef Inge Mørland har forplikta seg. Også i Senterpartiet er dei positive.
I møtet i fylkestingskomiteen for kultur, naering og helse 29. august hadde eg bedt om ei orientering om folkehøgskoleplanane og kva fylkestinget kan bidra med.
Vi fekk ei grundig orientering av fylkeskommunens regionalsjef Kirsten Borge. Det var heilt tydeleg at alle partia rundt bordet nå er godt informerte og at alle vil gjere det dei kan både for å få i gang prøvedrift av skolen og fast drift snarast råd.
Som folkevalte på fylkesplan kan vi både arbeide for å finne pengar i eigne budsjett, og vi kan påverke partikolleger på Stortinget og i regjeringsapparatet.
Når fylkesrådmannen legg fram budsjettforslaget sitt 14. november ventar Venstre at han har funne pengar til å hjelpe folkehøgskolen i gang med prøvedrift, og at pengane kjem anten frå folkehelsepengar, frå pengane for naeringsutvikling eller frå begge desse pengesekkane eller og/andre kjelder fylkeskommunen rår over.
Målet er ein viktig Folkehøgskole Helse på Evje. Den får vi til, nå som alle vil vere på lag med framtida.