Gonagas geas lea fráhkka ja háhtta

Karsten Isachsen muitala muhtin girjjis, maid son lea čállán, luntta birra gii vulggii geahččat olmmošráiddu (paráda) dan gávpogis gos orui. Gonagas maid váccii parádas. Go lunta bođii fas ruoktot, de son muitalii ahte dál son lei oaidnán gonagasa. Das lei fiinna uniforbmajáhkka mas ledje šelges boalut ja gollelágan oalgebihtát.

– Ii, diet dat goit lei leansmánni, dajai áhčči. - Gonagas lei dat olmmái geas lei fráhkka ja háhtta ja váccii maŋábeale leansmánni.

Lunta ii lean su gal oaidnán. Go Jesus váccii eatnama alde, de son nai lei nu mo buohkat earát, olmmoš geas lei fráhkka ja háhtta. Son riegádii kruppás, lei nu mo buohkat earát – aiddošaddan mánná. Máŋgasat eai mearkkašan su, eai dalle go lei kruppás eaige dalle go Jesus vádjolii guovllus guvlui eatnama alde.

Biibbal muitala ahte Jesus bođii dego okta mis, son lei olmmoš olbmuid gaskkas Muhto danin go son lei – ja lea – Ipmila Bárdni, de son guttii buot olbmuid suttuid, vai mii bestojuvvot.