Avvir

Dubmehalai 21 jahkái giddagassi­i Girkonjárg­ga goddinášši­s

59-jahkásaš dievdu dubmehalai čohkkát 21 jagi go gottii iežas eamida ja su bártnáža Girkonjárg­gas diibmá. Dievdu guoddalii duomu, dieđiha NRK.

- Anne Gro Gaup annegro@avvir.no

Duopmu celkui Nuorta-finnmárkku diggegotti­s duorastaga ja lea áktora čuoččuhusa­id vuođul.

Lei háliidan earránit

Borgemánu 29. beaivvi bážáhalai- ga ja jámiiga 37-jahkásaš Pimsiri Songngam ja su 12-jahkásaš bártnáš Petchngam Songngam. Áktor Torstein Lindquiste­r govvidii goddima leat hui hirpmusin ja ilgadin go ákkastalai dikkis mannan vahkku. Son čuoččuhii ahte dáhpáhus vulggii dušši áššis. 59-jahkásaš dievdu muitalii ahte son áiggui earránit ja siđai eamida fárret.

Vieččai hávlára

Goddimat dáhpáhuvve beaivvi ovdal go Pimsiri Songngam ja su bártnáš galggaiga fárregoaht­it ođđa ásodahkii man Girkonjárg- ga heahteguov­ddáš lei gávdnan sudnuide. Isit suhtai go fuomášii ahte eamit lei áigon váldit mielde krystállad­ávviriid mat ledje leamašan su eatnis ovdal.

Son muitalii ahte son vieččai iežas bealleauto­máhtalaš hávlára maŋŋel go lei diggon eamidiin.

Dubmehalai máksit

Son lea mieđihan ahte lea goddán eamida ja biebmobárt­ni, muhto ii loga muitit movt luođat manne. Dievdu roasmmohuv­ai garrasit ieš maid go geigii bissu iežas guvlui seamma eahkeda.

59-jahkásaš lea dubmehalla­n máksit 200 000 ruvnno guovtti fuolkái, ja 100 000 ruvnno goddon nissona eadnái, dieđiha NRK.

?? Govven: Jan-morten Bjørnbakk/ntb scanpix ?? DUBMEHALAI: Ráđđeaddin­advokáhtta Edel Hennie Olsen ja áktor Torstein Lindquiste­r áššis mas 59-jahkásaš dievdu lea dikkis go lea goddán iežas eamida ja biebmobárt­ni borgemánus diibmá.
Govven: Jan-morten Bjørnbakk/ntb scanpix DUBMEHALAI: Ráđđeaddin­advokáhtta Edel Hennie Olsen ja áktor Torstein Lindquiste­r áššis mas 59-jahkásaš dievdu lea dikkis go lea goddán iežas eamida ja biebmobárt­ni borgemánus diibmá.

Newspapers in Northern Sami

Newspapers from Norway