Gonagas lea min geahčči

Ruhkos

Eŋgelas gonagasbearaš liiko mannat teáhteris ja eará čájáhusain. Sii mannet dieđikeahttá, muhto go sii bohtet, de dat fuomášuvvo, ja de savkaluvvo neavttáriidda ja artisttaide: Gonagas lea gehččiid searvvis. Dán áigge dat várra lea Dronnet. Diet diehtu dieđusge dahká ahte lávddis geahččalit dahkat nu buori barggu go vejolaš. Ii oktage hálit gonagassii dahje dronnegii fállat heajos buktaga. Sotnabeaiskuvllas oahpaimet sálmma mas okta vearsa lea ná (dás jorgaluvvon sámegillii) «...min Áhč- či badjin oaidná, son geahččá vuolás eatnamii». Mis lea maid gonagas gehččiid gaskkas. Okta gii oaidná min. Gii čuovvu min. Jus dat addá movtta ja dahká ahte mii bargat garraseappot, de ii leat danin go gonagas gehččiid gaskkas lea doppe moai- tima várás dahje iežas movttiidahttima dihte. Son čuovvu maid mii dadjat ja maid mii dahkat, ja dan son dahká danne go son ráhkista min ja buressivdnida min. Gonagas lea min geahčči. Risttas gieđat leat álo buorebut go čorpmaid čájehit.