– Giehka manná Thailandii dálvet
1. Mii lea Ruoŧa alimus várri?
– Hmm... Diet gáisá? Vuorddes, dadjá son ja čurve jearrat veahki iežas olbmás.
Rievttes vástádus: Kebnekaise.
2. Gosa manná giehka dálvet?
– Na, biddjui.. Máttás. Thailandii? Rievttes vástádus: Afrihkkái.
3. Galle báni lea rávis bohccos?
– Mun dajan 32.
– Bohccos eai sáhte nie olu bánit, dadjá Piera veahkki ja vástida 16.
Rievttes vástádus: 34 báni.
Go Holm ii vástidan riekta buot golbma vuosttaš gažaldaga, de son ii mannan viidáseappot gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta, de oažžu 15 čuoggá, alit árvalusas faske 10 čuoggá ja ruonás 5 čuoggá.
Holm vállje ruoná ivnni, ja mii jearrat sus dán árvalusa:
Makkár njealji gonagasas ii leat gonagasriika?
– Mun gal in dieđe. Afrihkká?
Rievttes vástádus: Gonagasain speallanstohkosis.
Galle čuoggá oktiibuot: 0 čuoggá.
Juohke gilvaleaddji beassá hástalit ođđa gilvaleaddji Ávvira geassegilvui. Holm háliida hástalit Lemet Mihkkal Boine Utsi searvat Ávvira geassegilvui.