– Mu isit dáidá hárdit mu
1. Gii čálii Sámi Soga lávlaga?
– Sapp Issát čálii dan. Riekta!
2. Gii lei Ávvira vuosttaš váldodoaimmaheaddji?
Sullii√ – Ferten jurdilit veaháš. Lei dan áigge go Áššu ja Min Áiggi bidje oktii. logi jagi áigi. Mun in muitte! Mus lea bággu árvidit. Ánte Bals? Riekta!
3. Makkár sátni váilu sátnevádjasis? «Go mánná lea unni, de duolbmu dat askki, go dat stuorru, de duolbmu dat ...».
– Dalle dat duolbmu váimmu. Eatni váimmu. Riekta!
Maid mearkkaša oanádus LOL?
– Dat mearkkaša eŋgelasgillii «Laughing out loud» Riekta!
Modealla namma lea Jazz, makkár biilamearka lea das?
maid..√ – Hmm … Mun in beroš biilamearkkain nu ollu. Ferten árvidit dás
Opel? Boastut!
Rievttes vástádus: Honda.
Aili ii máhttán goalmmát liigegažaldaga. Son beassá liikká válljet árvádusaid maiguin sáhttá fasket 5,10, dahje 15 čuoggá. Dat lea dan duohken makkár ivnni vállje. Jus vástida riekta, de oažžu: Rukses árvádus lea váddáseamos ja das oažžu 15 čuoggá, alit árvádusas 10 čuoggá, ja ruonás fas 5 čuoggá.
Keskitalo vállje alit ivnni, ja mii jearrat sus dán árvádusa:
Galle moni sáhtát bidjat ovtta guoros kássii?
– Galle čáhket kássii? Hmm …
Jus bidjá ovtta, de ii leat šat guoros. Riekta!
Galle čuoggá oktiibuot: 14 čuoggá.
– Mu isit dáidá kommenteret ahte in
máhttán vástidit makkár biilamearka lea Jazz. Mus lea vel Honda biila!
Juohke gilvaleaddji beassá hástalit ođđa gilvaleaddji Ávvira geassegilvui. Keskitalo hástala Silje Karine Muotka searvat Ávvira geassegilvui. – Mus lea miella hástalit Silje Karine Muotka! Moai letne vuolgimin ovttas Verddečiekčamiidda.