Unnán duššan johtolagas
58 olbmo leat duššan johtolagas vuosttaš čieža mánus 2017:s. Ná unnán eai leat registrerejuvvon duššan johtolagas 1940-logu rájes. Gaskaboddosaš logut čájehit ahte ovcci olbmo leat duššan johtolagas dán jagi suoidnemánus. Čieža dievdoolbmo ja guovttis fas nissonolbmot. Viđas sis ledje biilavuoddjit, okta lei mohtorsihkkelvuoddji, ja golmmas ledje sihkkelastit. Njealjis masse heakka iešguđet lihkohisvuođain, okta massii heakka go lei rasttildeame ruovdemáđii mii ii lean sihkkarastojuvvon, ja njealjis fas oktiibeaškkiheamis.
Ovddit viđa jagi leat suoidnemánus gaskamearálaččat 17 olbmo duššan johtolagas. Dat mii lea earenomáš dán jagáš lihkuhisvuođastatistihkas lea ahte johtolatlihkuhisvuođat, gos nuorat gaskal 16 ja 24 leat duššan, leat njiedjan. Čiežas dán ahkejoavkkus leat dán rádjái registrerejuvvon duššan, ja lea unnon beliin áigodatgaskamearis gaskal ođđajagemánu ja suoidnemánu áigodagas 2010-2016. Vaikko lea ovdánan buoret guvlui, de deattuhuvvo johtolatsihkarvuođabargu, jos našunála mihttomearri, man Stuoradiggi lea mearridan Našuvnnalaš Johtolatplána 20182029 bokte, galgá joksojuvvot.
Trygg Trafikk loguid vuođđun leat lihkuhisvuođat mat leat raporterejuvvon politiijaide Trygg Trafikk distriktajođiheddjiin, buot 19 fylkkas Norggas. Trygg Trafikk bargá johtolaga sihkkarastimiin, ja stuorámus doaibma lea hehttet ahte olbmot roasmmohuvvet bahuid ja ahte olbmot duššet.