– Deanunjálmmis leat NJURJOT LASKAN
FINNMÁRKU: Finnmárkkuopmodat lea juhkkon 136 bivdoguvlui, ja bivdit galget ovdagihtii registreret gos sii áigot bivdit. Bivdoraporteren dahkko maiddái bivdoguovlodásis. Dát galgá sihkkarastit ceavzilis ja máhtolaš smávvafuođđohálddašeami, dieđiha Finnmárkkuopmodat.
Smávvafuođđohálddašeami
Fefo lea álggahan muddemiid sihkkarastin dihte ceavzilis smávvafuođđohálddašeami iešguhtege bivdoguovllus. Muddemat rád- djejit earret eará gallededdjiid lobi bivdit eanemus geasuheaddji bivdoguovlluin. Finnmárkku ássit besset bivdit buot bivdoguovlluin olles bivdoáigodaga. Muhtun náliid bivdináigi sáhttá oaniduvvot ja sáhttet ásahuvvot báikkálaš ráfáiduhttinguovllut jus lea dárbu. Bivdokoartta doibmii bidjan ja raporteren lea geatnegahtton earret eará sihkkarastin dihte máhtolašvuhtii vuođđuduvvon smávvafuođđohálddašeami Finnmárkku fylkka boahttevaš buolvvaide.
Bivdokoartta oastin
Bivdokoarttain leat iešguđetlágan hattit, agi ektui ja gos ásat. Lea danne deaŧalaš ahte attát rievttes dieđuid go leat oastime. Riegádanbeaivi dárkkistuvvo bivdinummara ektui. Haddi muddejuvvo automáhtalaččat agi ja ássanbáikki mielde. Vuollel 20-jahkásaš nuorat geat orrot Finnmárkkus ožžot automáhtalaččat áigodatkoartta gildii ja áigodatkoartta fylkii 80 proseantta hálbbádusa. Galledeaddji bivdiid áigodatkoarta ii gustogoađe ovdal go čakčamánu 25. beaivvi. Bivdokoartta ferte doibmii bidjat iešguhtege bivdoguovllu várás rievttes dáhtoniin.