– Ii ábut jearrat jus lea geografiija
1. Mii lea inuihtaid dovdoseamos fanas?
– Ii ábut jearrat jus lea rehkenastima dahje geografiija birra, go mun in máhte daid nu bures. Mun ferten vástidit ahte in dieđe. Boastut!
Rievttes vástádus: Kajáhkka
2. Gii čálii girjji «Min kamp»?
– «Min kamp»? Adolf.. Goarggu ferten smiehtadit. Adolf Hitler dat lei ge! Riekta!
3. Galle rieggá leat dan olympialaš leavggas?
– Mun ferten jearrat Kjetilis veahkki. Vuorddes veaháš.
Kåven gullo jearramin su olbmás veahkki, ja soai vástideaba 5. Riekta!
Go Elin ii vástidan riekta buot golbma vuosttaš gažaldaga, de son ii mannan viidáseappot gilvvus. Muhto son beassá geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde makkár ivnni vállje. Rukses árvádusa lea váddáseamos, ja jus dan vástida riekta de oažžu 15 čuoggá. Alit árvádusain oažžu 10 čuoggá ja ruoná árvádusain ges 5 čuoggá.
Kåven válljii ruoná ivnni ja de oaččuige dán árvádusa:
Mii manná alo ovddas, iige goasse jorggit?
– Álo ovddas … Ferte leat diibmu? Boastut! Rievttes vástádus: Johka
Galle čuoggá oktiibuot: 2 čuoggá.
– Livččii maid sáhttán leat diibmu mii álo ovddas manná, ii ge jorggit goasse. Juohke gilvaleaddji beassá hástalit ođđa gilvaleaddji Ávvira geassegilvui ja Elin Kåven hástala Eva Jeanette Iversena searvat seamma gilvuide.
– Hástalan oarpmeali Eva Jeanette Iversen.