Sámi garraseamos ráppár čállán bihtá
Sámi našunálateáhter Beaivváš čállá ahte givssideapmi guoská midjiide buohkaide ja ahte sii Sámi našunálateáhter Beaivvážis eai dohkket givssideami ja hárdima. Dál sii leat hábmen bihtá mas talkshow hámis váldet ovdan fáttá givssideami ja dan fáttá galgá gaskkustit olmmoš geas alddis leat vásáhusat givssidemiin. Son lea maiddái leamaš mielde čállime bihtá.
Sámi našunálateáhter Beaivváš ovttasbargguin Kultuvrralaš skuvlalávkkain Finnmárkkus, Romssas ja Nordlánddas čájeha: «Dá lean mun – This is me». Dá lea musihkalaš talkshowa givssideami birra, gos guossin lea okta Sámi garraseamos rappár; Slincraze, čállá Sámi našunálateáhter Beaivváš preassadieđáhusas.
Givssideapmi guoská buohkaide
Sámi našunálateáhter Beaivváš čállá ahte givssideapmi guoská midjiide buohkaide ja ahte sii Sámi našunálateáhter Beaivvážis eai dohkket givssideami ja hárdima.
– Mii fertet ovttas hehttet ahte givssideapmi bohciida ja ahte dat bissu. Givssideapmi ja hárdin lea juoga mii čuohcá midjiide buoh-
Duohta dili vásáhusat
Beaivváža diehtojuohkinjođiheaddji Brita Triumf muitala ahte bihttá lea heivehuvvon nuoraide ja ollesolbmuide buot agiin. Nils Rune Utsi, gii ieš lea almmolaččat muitalan ahte son lea vásihan givssideami, lea ovttas Rawdna Carita Eirain čállán bihtá, muitala son.
– Dat lea bihttá givssideami birra, muhto dat ii leat dan dihte dakkár váivves ja lossa bihttá. Dat lea dakkár bihttá mii galgá čájehit ahte eallin sáhttá fas šaddat buor-
Álgočájálmas bearjadaga
Álgočájálmas lea čakčamánu 22.beaivvi, Guovdageainnu kulturviesus diibmu 18.00. Nubbi čájálmas lea lávvordaga, 23.beaivvi čakčamánus, diibmu 18.00 Maŋŋel čájálmasaid Guovdageainnus čavge joavku mátkái ja čájehit lagabui njealljelogi čájálmasa nuoraidskuvla- ja joatkkaskuvlaohppiide Finnmárkkus, Romssas ja Nordlánddas. Bihttá galgá maid čájehuvvot Čáhcesullo giddagassii.
Oasálaččat bihtás
Dán bihtá leaba Rawdna Carita Eira ja Nils Rune Utsi (Slincraze) čállán. Bagadallin lea Rolf Degerlund. Neavttárat leat Mary Sarre, Anja Saiva Bongo Bjørnstad ja Nils Rune Utsi.
Roger Ludvigsen lea čuojaheaddji. Lávddi lea Ole Thomas D.nilut hábmen. Duojár Ann Majbritt Eriksen lea gorron biktasiid. Olav Johan Eira lea čájálmasteknihkar ja Kerstin Andersson ges gráfalaš hábmejeaddji. Govvejeaddji lea Johan Mathis Gaup. Fritt Ord lea dorjon čájálmasa ruđalaččat.
Dán čállá Sámi Našunálateáhter Beaivváš preassadieđáhusas.
ellenmarianne@avvir.no