Suohttasat
– Áhčči, mun in gille šat guoddit unnaoappáža, in go mun sáhte baicca guoddit dieid bohttaliid? – Ale hoavrit! Naba jus don nisttihat daid!
– Doavttir dajai mun oaččun buriin oamedovdduin borrat ovtta gáhkkobihtá ovdal go nohkan. – Movt dat manná? – Hui bures! Odne lean juo nohkkan golmma geardde.
– Manne don leat nu váibbas, jearai áhkku iežas áhkkubis. – Doaivvut go don ahte lea geahpas muoraid čuollat gávcci diimmu beaivái? – In heađisge, man guhká bat don leat dan bargan? – Mun álggán boahtte vahkku.
Lunta lei okte sihkkelastimin go son ravggai. Son álggii stuora garuid hoahkat go boares áhkku bođii vácci meattá. – It ábut garrudit, de it beasa albmái! – In mun goit meine ge dohko, mun lean jođus Remai oastit mielkki.
Uhca Hánssaš lei šaddan eanun vaikko ii lean go vihtta jagi boaris. – Ii go leat somá go oabbá lea ožžon máná, ja don leat šaddan eanun? Hánssa mielas ii lean dat nu somá, ja vástidii: – A-a, mun in áigon šaddat eanun! Mun áigon šaddat spábbačiekčin!
– Lea go du eamidis vuodjingoarta? – Na beallemuddui. –Maid don dainna oaivildat? – Na mun dat vuoján, muhto son dat mearrida gosa, movt ja goas …