GLR čuojaha BBC World News
GUOVDAGEAIDNU: Guovdageainnu lagasradio áigu čuojahit BBC eahkes ja ihkku, go alddiineaset ii leat sátta. Redaktevra Nils Martin Kristensen lohká vuordime vel dohkkeheami brihttalaš áibmomedialávdegottis ja BBC jođiheddjiin, ovdal go beassá rahpat BBC World News iežaset kanálii. Dán muitala son Altaposten aviisii. Ovdalaččas leat sis iežaset sáddagat juohke maŋŋelgaskabeaivvi , sis lea bingo oktii vahkus, ja sáddejit maid Radio Nea ja Radio DSF sáddagiid iežaset fierpmádagas. Sáddenáigi mii vel báhcá, heive eŋgelasgielat sáddagiidda, dadjá Kristensen ja lohká iežas jurddašit olgoriikka studeanttaid birra geat leat Guovdageainnus.