Poasta ođđa áppa čájeha páhka sturrodaga
NORGA: Lávet go eahpádusas čáhká go páhkka man leat diŋgon biilii ja nagodat go oba guoddit ge páhka? Poasta ođđa applikašuvdna dahje áppa čájeha páhka mihttuid nu jođánit go dat lea registrerejuvvon terminálas, ja augmedted rea- lity (AR) teknologiija bokte ges ráhkaduvvo gráfalaš tevnnet páhkas, vai olbmot besset oaidnit páhka ovdal go vižžet dan poastakantuvrras. Norggas eai leat galle fitnodaga geahččalan dán teknologiija, ja danin dieđiha Poasta ahte ođđa áppa galgá geavaheami bokte čájehit boahtte áiggi vejolašvuođaid. Ođđa applikašuvdna váldo atnui danin go Poasta dáhtu olbmuid árgabeaivvi geahpedit. Áppa sáhttá geavahuvvot iphonas ja ipadas, dieđiha Poasta preassadieđáhusas.